Dili-Universidade da Paz (UNPAZ) liu husi Gabinete Reitór konvida Senadu Universitáriu no Senadu Fakuldade Dosente na’in 6 ho nivel Doutoramentu, Diretór no Xefe Unidade sira, atu halo enkontru hodi prepara ekipa Brin husi Jakarta, ne’ebé sei vizita UNPAZ iha loron 17-20, hodi haree rezultadu ne’ebé UNPAZ halo ona durante ne’e iha aula Proom Lucas nian. Costa (28/08/24).

Magnífiku Reitór UNPAZ, Dr. Adolmando Soares Amaral, Lic. Eco.,MM. esplika, ami hala’o enkontru ne’e, iha ligasaun ho ekipa Brin husi Jakarta ne’ebé sei mai iha UNPAZ, atu diskute konseitu saida mak UNPAZ atu kria, hodi servisu hamutuk ho Brin.

“Iha loron 17-20, ekipa brin sei mai ko’alia kona-ba konseitu saida mak UNPAZ bele fornese no brin saida mak bele ajuda.Ami sei halo mini espozisaun, hodi hatudu ba ekipa brin kona-ba rezultadu ne’ebé UNPAZ to’o ona iha faze ida ne’e, no ba oin brin saida mak bele suporta”, tenik Reitór.

Reitor hatutan, UNPAZ ita iha konseitu lubuk ida, tanba ne’e mak ita konvida mediku sira hotu atu mai ida-idak mai ho nia konseitu, nune’e ita bele diskute ho brin iha dia 17-20 kona-ba (Peskiza no Inovasaun) peskiza inovasaun sira, atu nune’e ekipa bele avalia ba akreditasaun, hodi tama iha jornal internasional ne’ebe UNPAZ iha.