Fakuldade Ekonomia

Kurríkulu Fakuldade Ekonomia           

Objetivu sira hosi kurríkulu Ekonomia nian maka atu permite estudante sira atu dezenvolve interese ida hodi esplora hahalok umanu no kestaun sosiál sira liuhosi, perspetiva ekonómika ida, komprende mundu ne'ebé sira moris liuhosi domíniu ba koñesimentu ekonómiku báziku, hasa'e sira-nia kapasidade intelektuál jerál ba aprendizajen durante moris tomak, liuhosi dezenvolve sira-nia kapasidade sira iha análize ekonómiku, atu nune'e sira iha abilidade nesesáriu sira hodi halo razaun kona-ba asuntu sira no halo opsaun sira; no partisipa nu’udar sidadaun ne’ebé informadu no responsavel iha prosesu foti desizaun sira iha sosiedade demokrátiku modernu ida.

Objetivu kurríkulu ekonómiku mak estudante sira sei dezenvolve koñesimentu no komprensaun kona-ba konseitu ekonomia, problema ekonómiku báziku, forsa oioin merkadu nian, interasaun setór ekonómiku oioin, ekonomia no nia relasaun ho parte seluk mundu nian, Saida mak ekonomia, problema ekonómiku báziku tolu, prokura no oferta, mudansa iha demanda no oferta, elastisidade presu demanda no oferta, intervensaun merkadu (iii). Propriedade ba empreza sira, produsaun no divizaun serbisu nian, fatór sira produsaun nian, produsaun iha tempu badak no tempu naruk, espansaun empreza sira nian, merkadu no estrutura merkadu nian, maximizasaun lukru no determinasaun produsaun nian, surplus konsumidór no surplus produtór nian, kompetisaun no efisiénsia, papél governu nian, fallansu merkadu nian, papél governu nian: ekuidade no dezigualdade rendimentu nian, sasukat PIB no rendimentu ekonómiku nian: determinasaun no nivel presu, problema makroekonómiku, polítika fiskál no orsamentu, osan no banku, oferta osan no kriasaun osan, demanda osan no ekilíbriu merkadu osan, polítika monetária no teoria kuantidade osan nian, komérsiu internasionál, presu monopóliu, hahalok anti-kompetitivu.

Tanba ne’e estudante sira sei dezenvolve abilidade atu interpreta informasaun ekonómika, aplika sira-nia koñesimentu ekonómiku ba problema no asuntu oioin, analiza informasaun liuhosi utilizasaun teoria ekonómika, avalia informasaun no komunika ideia ekonómika iha forma ne’ebé klaru no lójiku no apropriadu. Estudante sira sei dezenvolve valór no atitude sira atu nune'e sira bele partisipa nu'udar ema ne'ebé informadu iha diskusaun kona-ba asuntu ekonómiku no foti desizaun no sai sidadaun ne'ebé ativu no responsavel no kontribui ba moris-di'ak komunidade lokál, nasaun no mundu.