Díli, 29 Janeiru 2026 – Universidade da Paz (UNPAZ), liuhusi Komisaun Registrasaun Estudante Foun, kontinua hala’o prosesu registrasaun estudante foun ba fase daruak Tinan Akademiku 2026, ne’ebé realiza iha Kampus Sentral Universidade da Paz.
Estudante sira hatudu entuziasmu boot atu apriende siénsia no teknologia iha Universidade da Paz, tuir programa estudu no konsentrasaun ida-idak ne’ebé sira hakarak. Universidade da Paz konsidera hanesan fatin ida ne’ebé apropriadu atu dezenvolve koñesimentu akademiku no preparasaun profesional.
Observasaun husi Media Center UNPAZ hatudu katak estudante Timor-oan sira ne’ebé remata ona ensinu sekundáriu komesa halo aproximasaun ba UNPAZ atu hetan informasaun kona-ba prosedimentu registrasaun, inklui foti brosura informativa. Estudante balu mos hahu ona halo prosesu registrasaun iha Komisaun Registrasaun ne’ebé estabelese ona husi universidade.