Dili,07 Novembru 2025 - liuhusi ekipa Ministériu Ensinu Superior Siénsia no Kultura (MESSK) halo avaliasaun lisensa operasional ba programa BACHELOR OF MEDICINE AND BACHELOR OF SURGERY (MBBS), Universidade da Paz iha Aula Prof. Dr. Lucas da Costa.

Magnífiku Reitór UNPAZ, Dr. Adolmando Soares Amaral, Lic. Eco.,MM. Deklara programa MBBS inisia husi Prezidente da Repúblika, ne’ebé iha momentu ne’eba asina akordu ho Prezidente da Repúblika india nian, nune’e Vise Ministru ne’ebé responsabilidade ba asuntu Edukasaun no sosiais konvida mós UNPAZ ho UCT ba to’o Índia hodi asina nota kooperasaun ho india ba klase Internasional MBBS iha Timor-Leste.

Programa MBBS iha nasaun seluk la’o ona, maibe iha Timor-Leste pela primeira-ves MBBS ihaTimor-Leste ba iha instituisaun rua UNPAZ ho UCT, tanba ne’e ita buka hakat no la’o tuir ida ne’ebé la’o tiha ona.

Dokumentu programa MBBS nian prepara hotu ona iha ne’e, atu hetan lisensa opersional, maibé ne'e Panelista sira maka iha responsabilidade tomak atu fó rekomendasaun ba Ministeriu ba lisensa operasional nian ne'e, maibe la’os UNPAZ maka inisia loke programa MBBS iha Timor-Leste, maibe nivel polítika entre Estadu Timor-Leste ho Nasaun India.

Iha fatin hanesan, reprezentante MESSK, Ana Elizete de Jesus Neves, rekoñese prezensa Ministeriu nian atu akompaña de’it prosesu avalisaun husi panelista sira, no sei la halo Intervensaun iha parte saida de’it, tanba Ministeriu fó ona fiar ba avaliador na’in rua atu avalia ba programa estudu ne'e.

Enkunatu Avaliador nasional na’in rua maka, Dr. Mateus Pinheiro no Dr. Raimundo dos Santos, ho ekipa husi Ministeriu Ensinu Superior Siénsia Kultura. Prezensa iha avaliasaun programa MBBS ne’e, Estrutura senadu Universidade no Fakuldade, Pro-reitores sira, Diretor no Xefe Unidade sira inklui estudante klase Internasional programa MBBS nian iha Universidade da Paz.