Covalima, 09 Outubru 2025 - Universidade da Paz (Unpaz) nia h Decano husi FaKuldade Saude Publica e Ciensias Medicas, Cipriano do Rossario Pacheco, Lic.Sp.,M.Kes, ho Ekipa halo vizita ba Estudante Enfermagem sira ne'ebe maka hala'o sira Aktividade Pratika Klinika II & III iha Hospital Referal Suai.

Objetivo husi Vizita ne'e Dekanu FSPeCM ho Ekipa hala'o enkontru ho CI sira iha hospital Referal Suai ne'ebe maka durante ne'e tau matan ba Estudante Estajiadu sira iha hospital refere.

Dekanu ne'e mós Akompaña dereta estudante sira ne'ebé maka halo promosaun moras TBC ba pasiente sira iha Hospital Referal Suai.

Aleinde ne'e mos Dekanu ho ekipa vizita dereta ba fatin sira ne'ebé maka estudante sira hela ba, hodi hala'o sira-nia atividade pratika durante fulan tolu (3) iha Hospital Referal Suai.

Entertantu Dekanu ne'e mós fó hanoin ba estudante sira katak, ami lori imi mai hela iha fatin ida ne'e atu hatoman ita boot sira, oinsá maka atu Eleva ita bo'ot sira-nia koñesimentu kona-ba teoria ne'ebé maka durante ne'e imi hetan iha Aula, ohin loron imi mai moris hamutuk ho ita nia Komunidade sira iha baze, hodi hala'o ita bot sira-nia pratika durante fulan tolu (3).