Dili,11 Outubru 2025 - Universidade da Paz hamutuk ho Deutscher Akademischer Austauschdienst German Academic Exchange Serviice (DAAD) realiza workshop kona-ba peskiza no Lideransa ba Ensinu Superior sira iha Timor-Leste durante loron rua hahu husi 10-11 sabadu ne'e iha UNPAZ.

Formador Internasional Dr. Leenawaty Limantara hateten, Workshop ida ne’e hanesan bokae ida ba Lideransa sira, tanba iha workshop ida ne’e ita ko’alia liu kona-bá atividade loro-loron nia hanesan, lideransa ida tenke iha desizaun ne’ebé maka forte, tanba lider maka sai hanesan ema ne’ebé foti desizaun sira iha instituisaun ruma no Lideransa maka hatene liu ninia membru sira ne’ebé lideransa refere lidera.

“Atu sai lideransa ne’ebé maka di’ak tenke hatene oinsa atu rejolve problema kuandu akontese iha organizasaun nia laran, ne’e duni lideransa presija hatene kona-bá metodu sira ne’ebé uja, hodi identifika problema, buka hatene problema nia hun no oinsa atu fó solusaun ba problema ne’ebé akontese, tenke iha integridade, tanba sé ema ida hanesan lider nia maka sai ezemplu ba nia membru sira”,dehan Leenawaty,

Iha fatin hanesan, reprezenta Reitor Universidade da Paz, hanesan Vice Reitor Asuntu Akademiku, Joaninho Xavier Hei Lic.CSH.,M.Ed.,Ph.D. hato’o obrigadu barak ba orador no formador sira ne’ebé durante loron rua fó ona lisaun, no fahe ona esperiénsia ne’ebé maka iha ba partisipante sira ne’ebé maka partisipa ona durante loron rua nia laran.

Reprezentante Magnifiku ne'e husu deskulpa ba formador sira karik durante loron rua nia laran ne’e partisipantes halo sala ruma hasoru formador ou situasaun balun la tuir hakarak karik ita umanu la ses sala ha'u reprezenta hato'o deskulpa.

Prezensa iha Workshop durante loron rua ne'ebe hala'o iha UNPAZ ne'e, partisipa masimu husi Dosentes Universidade da Paz nomós Ensinu Superior sira seluk iha Timor-Leste.