Estrutura

Órgaun Administrasaun no Jestaun Administrativa

Padraun lideransa ne’ebé UNPAZ aplika mak modelu partisipativu estruturál (Teoria partisipativu estruturál lideransa nian) ho karakter lideransa instrusaun no lideransa administrasaun. Sistema ne’e, envolve partisipasaun husi subordinadu sira iha konsiderasaun ba desizaun sira ne’ebé atu foti husi Reitór. 

Reitór motiva subordinadu sira atu fó partisipasaun no kontribuisaun iha revizaun ba desizaun ida-idak ho balansu. Iha teoria partisipativu, Reitór iha direitu tomak atu hili ideia relevante sira kona-ba situasaun no kondisaun loloos.

Sistema jestaun ne’ebé uza iha UNPAZ maka sistema administrasaun estrutural. Dezde avaliasaun ikus, UNPAZ modifika nia sistema jestaun no organizasaun no estabelese divizaun servisu ne’ebé adekuadu inklui: servisu akadémiku, servisu administrasaun no finansa, asuntu estudante no servisu esternu, sentru peskiza no servisu komunitáriu no servisu garantia interna ho kualidade. Divizaun sira hotu iha ligasaun ba malu no mai hosi komandu ida de'it maka Reitór.

Sistema administrasaun UNPAZ regula ona iha Estatutu no Manual Administrasaun UNPAZ nian. Reitór foun no loloos eleitu iha 2019 no hahú 2019 UNPAZ aprezenta órgaun governasaun foun ho Vise-Reitór no Pro Reitór sira. Agora daudaun iha Pro Reitór na’in lima (5) no Pro Reitór na’in rua (2) ne’ebé asiste Reitór iha área oioin:

• Vise Reitór ba Asuntu Internu no Esternu
• Pro Reitór Administrasaun Jerál no Finansas
• Vise Reitór ba Asuntu Estudante
• Vise Reitór ba Kooperasaun Esterna
• Vise Reitór ba Programa Pós-Graduasaun
• Pro Reitór ba sentru Peskiza no Publikasaun
• Pro Reitór ba Dezenvolvimentu Rekursu Umanu

Iha dekanu na’in sia ne’ebé lidera nivel fakuldade no purvolta 20 Xefe Departamentu ne’ebé liga no superviziona diretamente husi Reitór ne’ebé konsidera hanesan nivel estruturál. Iha mós konsellu sira ne’ebé iha papél atu fó konsellu ba Reitór; Konsellu Jurídiku, Konsellu IQA, Konsellu Auditoria, Konsellu Dixiplinár, Konsellu Pedagojia, Konsellu Konsellu no Seguransa.