PAPeL MEDIADOR IHA DISPUTA RAI NE EBE AKONTESE IHA ALDEIA TERMINAL, SUKU CAMEA, POSTU ADMINISTRATIVU

^{PAPÉL MEDIADOR IHA DISPUTA RAI NE’EBÉ AKONTESE IHA ALDEIA TERMINAL, SUKU CAMEA, POSTU ADMINISTRATIVU, CRISTU REI MUNISÍPIU  DILI}

¹ Atanácio J.G. Gama

² Duarte Tilman Soares, SH.

³ Arnaldo da Costa Lopes, Lic.Dir.,M.Dir.

Universidade da Paz (UNPAZ), Faculdade Direitu, Programa Estudu Siénsia Direitu.

ABSTRATU

Kna’ar Mediador nian iha prosesu rezolve disputa nu’udar parte neutru ida (netral) ne’ebé atu ajuda ka tulun disputante sira iha prosesu negosiasaun ho posibilidade buka solusaun ba problema sein utiliza meus hakotu ou obrigasaun ba solusaun ida. Rai maka baze moris ba sosiedade umanu. Kriasaun no sosiedade umanu hotu hala’o sira-nia moris iha rai, uza rai hanesan hela fatin, negósiu fatin, fatin ba agrikultura no ba dezenvolvimentu hodi sustenta moris indívidu, komunidade no nasaun. Formulasaun ba problema husi monografia ida ne’e mak hanesan; 1.)  Fatór saida mak influénsia hodi hamosu disputa rai entre komunidade sira iha Aldeia Terminal, Suku Camea, Postu Administrativu Cristu Rei, Munisípiu Dili? 2.) Oinsá Prosesu rezolve disputa rai ne’ebé akotese iha Aldeia Terminal, liu husi dalan mediasaun?. Abordagem legal ne’ebé uja iha peskizasaun ne’e mak abordagem kualitativu ho metodu peskiza jurídiku Empíriku.

Liu husi peskiza iha terenu peskizador deskore katak fatór sira ne’ebé hamosu disputa rai entre komunidade sira mak, fatór menus sosializasaun no fatór invazaun iha anterior. Tamba durante okupasaun sira iha anterior militar sira muda ema obrigatoriu husi fatin ida ba fatin seluk, hadau komunidade sira nia rai, no mós sunu komunidade sira nia uma hodi rezulta komunidade sira halai sai hodi buka fatin ne’ebé mak seguru no ba okupa fali ema seluk nia rai.

Bazeia ba rezultadu peskiza ne’ebé iha leten mak peskizador konklui katak kna’ar mediador nian importante tebés iha prosesu rezolve disputa, tamba ne’e mediador tenke iha krebilidade no kapasidade ne’ebé diak liu-liu iha área jurídika nian atu bele lidera no fasilita parte sira hodi hetan solusaun ba problema ne’ebé mak ho natureza menan-menan hotu (win-win solution).

Liafuan Xave: Papél Mediador, Disputa Rai

Atu Hetan Detalho Ida Ba Jurnal Bele Klik Iha Ne'e: