PAPEL INSTITUISAUN AUTONOMO IHA PROSESU ARMAJENAMENTU NO DISTRIBUISAUN DE MEDIKAMENTUS E EKIPAMENTUS

Papél Instituisaun Autonomo Iha Prosesu Armajenamentu No Distribuisaun De Medikamentus E Ekipamentus De Saude

(Estudu kazu iha SAMES I.P, Dili)

Publika iha Journal UNPAZ

Hakarek Nain        : Nelson Guterres Castro no Leoneto Madeira Martins

Instituisaun           : Programa Mestradu Administrasaun Publika, Universidade Da Paz, Timor-Leste

ABSTRATU

Serviso Autonomia de Medikamentos no Equipamentus da Saude  hanesan instituisaun Publiku mak iha autonomia rasik, ho nia papel atu halo Akizasaun, Armajenamentu no Distribuisaun Medikamentus no Ekipamentus  Saude ba fasilidade saude hahu husi Nasional, Hospital Referral, Hospital Regional to Sentru Saude Munisipio iha Timor-Leste. Iha proseso  implementa nia papel sei iha difikuldade barak mak infrenta nune’e bele impede  proseso Akizasaun, Armajenamentu no distribuisaun medikamentus no ekipamentus  Saude. Atu hatene kbi’it ba halao nia papel bele hare no hatene husi funsionarius no fasilidade apoia serviso mak iha. Nune’e bele hatene ho espesifikamente lalaok  servisu hodi fokus ba kapasidade individual hanesan funsionariu publiku, hatene dezempenha servisu bazeia ba nivel edukasaun, grau, no esperensia no kbi’it teknika ba utiliza ekipamento teknolojia hodi apoia servisu tuir ida-idak nia knar no unidade servisu nune’e bele garantia efikasia no efisiensia.

Teoria mak uza iha peskiza,  Definisaun Servisu Tuir Wjs. Poerwadarminta (2002), Teoria Akizasaun (hola sasan): Tuir Indra Bastian (2010:263),  Definisaun Armajenamentu (Warehousing) Tuir Warman, (2010:75),  Definisaun Saude. Definisaun saude tuir “World Health Organization” (WHO), Agency Theory tuir (Ichsan, 2013) no Resource dependence theory tuir Abraham Kaplan (1964)  

Metodo mak uza iha peskiza mak kualitativu Tuir Afifuddin (2009:57, teknika halibur dadus uza téknika observasaun, teknika intervista, teknika  dokumentasaun. Teknika anliza dadus uza Diagram analiza dadu tuir métodu peskiza kualitativu husi matenek nain Miles & Hubermen (1992:15) no  verfikasaun dadus original.

Rezultado peskiza hatudu katak SAMES hanesan instituisaun Publiko ne’ebe halao kontratu servico husi ministerio saude hodi prepara medikamentu no ekipamentu saude ho estrutura servico mak kompostu husi Direitur Ezekutivu no Presidenti Konselho Administrasaun,Dirasaun Medikamentu no Finansa Ministerio Saude, Direitur Nasional Finansa no Medikamentu, Direitur Armazenamentu no Distribuisaun, Direitur Administrasaun Finansa no Logistika no Patrimonia, Direitur Aprovizionamento iha kbit bot no responsabilidade atu halao serviso tuir prosedimentu no orientasaun, no-mos  bazei ba planu  kuantifikasaun no akizasaun ne’ebe iha  selesaun tuir  medikamentus, prosesu hirak ne’e lao tuir lista EML (esensial medicine list). Tan ne’e  EML tengki halao  revizaun nune’e bele atualiza wainhira halao kompras medikamentus no ekipamentus saude, maibe ne;e kompetensia  iha ministerio saude.

Konkluzaun Papel SAMES maka wainhira hetan ona dokumentus ba kuantifikasaun mak aprovadu ona husu ministerio Saude, no-mos estimasaun ba kompra husi laboratoriu nasional saude (LNS), SAMES hahu halao prosesu aprovizionamentu bazea ba kuantifikasaun ne’ebe prepara husi Ministerio Saude. Involvimentu SAMES iha prosesu kuantifikasaun maka prepara informasaun dadus ba stock nebe maka atual iha armajen SAMES no stock pipiline nebe maka sei iha prosesu deliberasaun, nune;e hodi bele fasilita prosesu kuantifikasaun, para labele iha over stock no-mos stock out.

Lia funa Xavi:  Instituisaun Autonomo, Armajenamentu, Distribuisaun   Medikamentus, Ekipamentus no Saude.

Atu Hetan Detalho Ida Ba Jurnal Bele Klik Iha Ne'e: