Kooperasaun Entre Governu Timor-Leste Ho Governu Indonesia Kona Ba Kapasitasaun Funsionarius Hod

KOOPERASAUN ENTRE  GOVERNU TIMOR-LESTE HO GOVERNU INDONESIA  KONA BA KAPASITASAUN  FUNSIONARIUS  HODI ASEGURA  KUALIDADE FOOS

            (estudu kazu iha CLN)

Autor              : Maria de Jesus Pereira, (Estudante Departementu : 

                          Relasaun  Internasional, Fakuldade: Ciencia Sociais no 

                          Humana, Universidade Da Paz)

Co Autor        : Leoneto Madeira Martins

===========================================================

ABSTRATU

Obra Cientifiku ne’e ho titulu “Kooperasaun entre Governu Timor-Leste ho Governu Indonesia kona ba Kapasitasaun Funsionarius hodi Asegura Kualidade Foos, estudu kazu iha Centro Logistika Nasional, husi: Maria de Jesus Pereira, numeru identidade estudante: 17.03.01.064. Kompetensia Centro Logistika Nasional nian mak asegura foos iha armazen ho kualidade hodi halo distribuisaun ba komunidade no entidade sira seluk ne’ebé presija, maibe iha ezekusaun servisu lor-loron nian hasoru difikuldade barak mak hanesan funsionarios sira iha Centro Logistika Nasional menus konesimentu no kapasidade atu asegura foos ho kualidade iha armazen, oin sa atu kontrola fos iha armazen, oinsa kontrola armaze bele garante kualidade fos no oin sa atu halo distribuisaun fos ho diak.Tan nee Centro Logistika Nacional halao kooperasaun ho Governu Indonesia hodi hasae konesimentu no kapasidade ba funsionarios sira, nune bele iha badaen  hodi halao servisu ho professional.

Teoria ne’ebé  uza hodi sai mata dalan ba hakerek obra cientifiku ne’e mak  teroria relasaun internasional, teoria kooperasaun,teoria Governu, teoria kapasidade, teoria kualidade, teoria foos, teoria funsionario no teoria Jestaun.

Metodu ne’ebé  uza hodi halao peskiza ne’e mak  metodu kualitativu deskriptivu, tekniku rekolha dadus liu husi entervista, observasaun no dokumentasaun, tekniku analiza dadus uza teoria Milles & hubberman, mak hanesan rekolha dadus, analiza dadus, redusaun dadus no verifikasaun ou konkluzaun.

Resultadu peskiza hatudu katak funsionarios sira ne’ebe servisu iha Centro Logistika Nasional, iha parte armazen nian menus kapasidade no konesimentu hodi halo gestaun atu asegura no distribui foos iha armazen, hodi nune fo impaktu ba foos barak mak aat tamba kona udan been, foos tuan la halo distribuisaun rai hela deit, no foos foun tama mai tula tan deit iha foos tuan nia leten, tamba ne’e mak foos barak mak aat no dodok deit iha armazen, hodi afeta mos ba kualidade foos ladun diak. 

Konkluzaun katak funcinarios sira ne be tuir ona kapacitsaun no formasaun, iha ona koinesementu no badaen diak kona ba oin sa atu asegura fos iha armazen no oin sa atu kontrola armazen, nune bele garante kualidade fos iha armazen to halao distribuisaun  ho diak ba konsumedores sira.

Liafuan Xave: Kooperasaun, Kapasitasaun, Gestão, no Kualidade

Detalho bele klik iha ne'e