INFLUENSIA KONDISAUN ESKOLA NO PRESTASAUN MANORIN NAIN HODI HASAEE KUALIDADE ESTUDANTE IHA ESKOLA TE

INFLUENSIA KONDISAUN ESKOLA NO PRESTASAUN MANORIN NAIN
HODI HASA’E KUALIDADE ESTUDANTE IHA ESKOLA TEKNIKU
VOKASIONAL BOBONARO

(Estudu Kazu iha Eskola Tekniku Vokasional Bobonaro)
Author: Veronica Leite (NRE.16. 03. 02. 073). Co-Author Joaninho Xavier Hei, Lic.
CSH., M. Ed.
Fakuldade Siensia Sosias no Humana (CSH)
Departamentu Politika Dezemvolvimentu
Universidade da Paz (UNPAZ)
Rua: Osindo I Manleuana, Dili, Timor Leste

Abstratu

Objetivu husi estudu ida ne’e atu deskobre konaba: Influensia kondisaun eskola no prestasaun manorin nain hodi hasa’e kualidade estudante iha eskola tekniku vokasional bobonaro. Output edukasaun seidauk bele lao ekiulibriu ho orientasaun tuir tempu kauza husi menus koñesimentu ba disiplina siensia husi manorin nain sira, kondisaun eskola ba prosesu ensinu no aprendizajen. Métodu peskiza utiliza maka kuantitativu korelasional ho total populasaun, estudante 207, total Amostra 67 respondente, tekniku amostrajen utiliza planu amostra simples (Stratified Sampling) no Teknika analiza Dadus utiliza Korelasaun Linear Dupla. Rezultadu teste regresaun Linear Dupla hatudu katak variavel Kondisaun Eskola (X1) fo influénsia ne’ebé signifikativu ba variavel kualidade estudante (Y) tamba valór tkálkulu bo’ot liu duké valór ttabela ou tkálkulu6,224 > ttabela1,66864. Signifika H0 (hipóteze zero) rejeita no Ha (hipótese alternativa) aseita, variavel Prestasaun Manorin Na’in (X2) iha influénsia ne’ebé signifikativu ba variavel Hasa’e Kualidade Estudante (Y) tamba valór tkálkulu bo’ot liu duké valór ttabela ou tkálkulu 2,975 > ttabela 1,66864. Signifika H0 rejeita no Ha aseita, no variavel Kondisaun eskola no Prestasaun Manorin Na’in simultaneamente fo influensia ne’ebe maka a’as no signifikativu ba variabel Y tamba valór Fkálkulu bo’ot liu duké Ftabela ou 69,213>3,14 no valor
kontribuisaun husi variabel X1 no X2 ba Y ho total valor 68,4% no 31,6% hetan influensia husi variable seluk aleinde husi modelu ne’ebe iha. Nune’e konklui katak iha influénsia ne’ebé signifikativu entre Kondisaun Eskola no Prestasaun Manorin Na’in ba Hasa’e kualidade estudante iha Eskola refere.

Liafuan Xave: Kondisaun Eskola, Prestasaun Manorin Na’in, no Kualidade
Estudante.

Atu hetan detalho ba Jurnal Bele Klik iha ne'e

Download