ANALIZA IMPLEMENTASAUN POLITIKA PUBLIKU IHA KONTEXTU POLITIKA SESTA BAZIKA IHA TIMOR-LESTE

ANALIZA IMPLEMENTASAUN

POLÍTIKA PÚBLIKU IHA KONTEXTU POLÍTIKA SESTA BAZIKA IHA TIMOR-LESTE

Husi :

Carlito Laku Tiris Mauloe, L.CG. NIM: 22.11.24.02.157
Andre da Costa Tavares, Lic.Tec. NIM: 22.11.24.02.155
Domingos Rodrigues Pereira, Lic.CSH. NIM: 22.11.24.02.158

Traballu ida ne`e deskreve konaba “Analiza implementasaun polítika públiku iha kontestu polítika sesta bazika iha Timor-Leste”. Objetivu husi traballu ida nee, atu buka hatene oinsa implementasaun polítika Públiku iha kontestu implementasaun Polítika Sesta Bazika ba Komunidade Timor-Leste. Aplika forma peskiza ho abordajen kualitativa deskriptiva hodi analiza no deskobre objetivu husi peskiza konaba analiza “implementasaun Polítika Públiku iha
kontestu polítika Sesta Bazika ba komunidade Timor-Leste”, no nia dezafiu sira ne`ebe hasoru. Meius ba rekoila dadus relasionadu ho objetu estudu bazea ba revizaun bibliografia, lejizlasaun, regulamentu, dokumentu relevante no observasaun peskizador ba faktu empiriku. Benefisiariu polítika sesta bazika mak sidadaun uma kain (agregadu familia) ne`ebe rejistu iha livru rejistu uma kain no hirak ne`ebe halo knar iha sosiu-edukativu, relijiaun no sanitarias. Implementasaun ba distribuisaun pakote sesta bazika la-dun masimu halo tuir polítika sesta bazika. Aplikasaun sistema administrasaun públiku iha polítika sesta bazika la-dun hatudu iha efeitu masimu. Vantajen polítika sesta bazika mak Estimula dinâmika ekonomia lokal liu husi sirkulasaun rekursu finanseiru nesesariu ba hasae produsaun nasional, aumenta rendimentu agrikultor sira,
apoiu nesesidade bázika hodi hadiak dieta no nutrisaun ba família. Dez-vantajen polítika sesta bazika maka benefisiu boot ba kontrator, maioria sasan alimentar la-dun iha nutrisaun no ijiene, la konsege hasae totalidade rendimentu uma kain (agregadu familia), benefisiariu husi polítika sesta bazika la defini klaru iha dekretu lei nu, 48/2020. Dezafiu implementasaun sesta bazika hanesan: menus Kooperasaun, kriteria selesaun ba fornesidor/kompañia ladun klaru, la iha
kontrola no padraun kona-ba presu produtu pakote sesta bázika, iha entidade kompañia no nai-ulun sira balun interpreta substansia dekretu lei la klaru, menus stock produtu lokál, menus seriedade serbisu husi funsionariu responsavel, laiha kontrola ba sasan nia valor nutrisaun no sanitarias. Presiza defini klaru benefisiariu husi polítika sesta bazika, hadiak kooperasaun, kriteria ba selesaun fornesidor/kompañia, uniformizasaun/unifikasaun no padraun kona-ba presu produtu pakote sesta bázika, estabelese norma prosedimentu (NOP), trasa estratéjia hodi garante stock produtu lokál, Hadiak disxiplina serbisu funsionariu responsavel no kontrolu maximu ba serbisu, hadiak kontrola sasan nian valor nutrisaun no sanitarias no ba futuru bele muda forma sasan ba fali forma osan.

Palavra save: Analiza implementasaun polítika publiku, Polítika sesta bazika no Sistema administrasaun públiku.

Detalho bele klik iha ne'e