VISE REITÓR ASUNTU KOPERASAUN HETAN VIZITA, SR. BENJAMIN HUSI ICCCM- MALAYSIA
Dili-Universidade da Paz (UNPAZ) Nia Vise Reitór Asuntu Kooperasaun Interna no Externa, Sr. Luis Pereira Cardoso, Dip, Cs.,Lic. CSH.,MA.,Mcs. Hetan vizita ida husi Sr. Benjamin husi ICCCM Malaysia, hodi halo diskusaun kona-ba nota entendimentu entre parte rua atu implementa, nune'e bele servisu hamutuk ba futuru, iha nia Kna'ar fatin (29/01).
Vise Reitór Asuntu Kooperasaun Interna no Externa, Sr. Luis Pereira Cardoso, Dip, Cs.,Lic. CSH.,MA.,Mcs. hateten ita hetan kontaktu ida husi, organizasaun naran, Internasional Cultural Communication Malaysia, ne'ebé ho signifikadu ICCCM, sira halo kordenasaun ho ita UNPAZ nomós universidade sira seluk, sira hakarak los atu halo kooperasaun ho UNPAZ liu-liu iha Asuntu Edukasaun nian, nomós iha tempu mai, sira mós sei halo konferensia internasional, ne'ebé sei involve universidade sira ne'ebé mak sira halo kooperasaun.
"Programa ida ne'e di'ak tebes, tanba iha mós estudu komparativu, depois de ita halo akordu/nota kooperasaun, ita sei haruka ita nia estudante sira ba iha Jakarta no Cina, atu halo estudu komparativu, tanba sira iha kolaborasaun di'ak tebes ho ita UNPAZ, ida ne'e hanesan oportunidade di'ak ba ita, tanba sira mak fasilita hotu ita, ho ida ne'e ita bele haree ita nia estudante sira atu hala'o estajiu, ligadu ho programa sira iha Malaysia no Cina",dehan Vise.
Nia salienta, Ha'u sei ko'alia ho Magnífiku Reitór, oinsá mak bele asina nota entendimentu, tanba bainaka sira-nia tempu badak los iha timor, maibé iha futuru bele asina liuhusi via online, nune'e ita labele lakon oportunidade ne'ebé sira oferese mai ita UNPAZ. Informasaun seluk, kona-ba asuntu kulturál nian, ne'ebé parte rua bele halo estudu komparativu kona-ba kultura nian, ne'ebé ita nia estudante sira bele ba hatudu ita nia kultura iha Malaysia nomós Cina, oinsá bele promove ita nia Universidade da Paz di'ak liu tan iha futuru, liu-liu iha Malasia no Cina.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
