![VISE REITOR ASUNTU ESTUDANTIL KONVOKA REUNIAUN HO XEFE ALDEIA KAMALEHOHORU](https://unpaz.tl/asset/foto_berita/194.jpg)
VISE REITÓR ASUNTU ESTUDANTIL KONVOKA REUNIAUN HO XEFE ALDEIA KAMALEHOHORU
Dili-Universidade da Paz (UNPAZ) liuhusi Vise Reitór Asuntu Estudantil Antigus Alunus, Sra. Marilia Juvi Gonsalves, Lic.SP.M.Kes. Konvoka Reuniaun Ho Xefe Aldeia Kamalehohoru Suco Dato Postu Liquisa, ho objetivu atu garante estabilidade no asegura estudante sira ne’ebé hala’o programa estajiu sosiais tinan akadémiku 2023, iha Kampus Sanak UNPAZ Liquisa (28/03).
Xefe Aldeia Kamalehohoru, Sr. Nixon da Costa Sampaio, hatete nu’udar lideransa agradese ba estudante sira ne’ebé mai hala’o atividade estajiu iha fatin kampus sanak UNPAZ Liquisa, nu’udar lideransa nafatin ho joven nomós komunidade sira atu garante estabilidade hodi asegura ita nia estudante sira ne’ebé hala’o estajiu durante fulan ida.
“Ha’u garante katak, mesmu ke estudante ho numeru bo’ot mai iha ne’e, maibe ha’u prontu ho kbi’it ha’u nian, hodi halo koperasaun di’ak ho PNTL, Veteranus, Joven, Inan Aman sira hotu iha Liquisa, hodi asegura ita nia estudante sira nia prosesu tomak, nune’e labele heta risku ruma”,dehan Xefe Aldeia Kamalehohoru, Sr.Nixon.
Entretantu, Iha parte seluk tuir observasaun, ekipa sira husi Unidade Logistika, monta tenda ba estajiadu/a sira, inklui mós ekipa komisaun Suprevisaun Eng. Banvasten organiza Xefe grupu sira sukat fatin konstrusaun moru hodi fahe tuir grupu.
Partisipa iha reuniaun ne’e, Vise Reitor Asuntu Estudantil no Antigus Alunus, Sra. Marilia Juvi Gonsalves, Lic.SP.M.Kes. Xefe Aldeia Kamalehohoru Sr. Nixon da Costa Sampaio. Ekipa Komisaun sira, nomós Orientador sira.