VISE REITOR ASUNTU AKADÉMIKU KONVOKA REUNIAUN HO PRIMEIRU VISE DAKADU FAKULDADE 6
Dili-Universidade da Paz (UNPAZ) nia Vise Reitór Asuntu Akadémiku, Sr. Joaninho Xavier Hei, Lic. CSH.,M.Ed. ne'ebé reprezenta Magnifiku Reitór, Dr. Adolmando Soares Amaral, Lic. Eco.,MM. hodi realiza reuniaun hamutuk ho Primeru Vise Dekanu Asuntu Akadémiku Fakuldade neen (6), hodi ko'alia kona-ba atividade akadémiku ba Semester (PAR) nian, Iha Aula Prof. Dr Lucas da Costa (11/08).
Vise ne'e hateten ohin ita hala'o enkontru ho primeiru vise dekanu husi fakuldade neen, hodi haree kona-ba ba preparasaun prosesu ensinu aprendisajen semester (PAR) nian, tanba husi reuniaun ida ohin ne'e, vise dekanu sira relata katak, prontu ona distribui orariu ba kada dosente sira no semana oin hahú ona prosesu aprendisajen ba iha fakuldade neen.
"Semana oin aula hahú ona, tanba agora buat hotu la'o ho sistema, husu ba estudante atu asesu ba informasaun sira",dehan Vise Reitór Asuntu Akadémiku.
Nia salienta ohin ne'e, ita haree mós kona-ba ba finalista sira ne'ebé atu hakat ba gradua iha tinan ida ne'e, ho totál 1366 ne'ebé kompostu husi fakuldade neen, oras ne'e dadauk balu prosesu peskiza no balu remata ona.
Entretantu reuniaun ne'e, lídera husi Vise Reitór Asuntu Akadémiku, Sr. Joaninho Xavier Hei, Lic. CSH.,M.Ed. partisipa husi Diretor UA-AAE nomós Vise Dekanu husi Fakuldade Neen.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
