![VISE REITOR ASUNTU AKADEMIKU KOMVOKA REUNIAUN HO VISE DEKANU NAIN 6 HO XEFE DEPARTAMENU SIRA](https://unpaz.tl/asset/foto_berita/54.jpg)
VISE REITOR ASUNTU AKADÉMIKU KOMVOKA REUNIAUN HO VISE DEKANU NA’IN 6 HO XEFE DEPARTAMENU SIRA
Dili-Universidade da Paz (UNPAZ) liuhusi Vise Reitor Asuntu Akadémiku, Sr. Joaninho Xavier Hei, Lic. CSH., M. Ed. hala’o enkontru ho Vise Dekanu Asuntu Akadémiku husi fakuldade ne’en ho Xefe Departamentu sira husi fakuldade ne’en atu partilla informasaun kona-ba dadus finalista sira ne’ebé sei gradua iha tinan agora iha fulan dezembru, iha Aula prof. Dr. Lucas da Costa (03/09).
Vise ne’e, dehan kada tinan molok gradua fulan ida antes ita presiza submete dadus finalista sira ba Ministériu Ensinu Superior, tanba ne’e ita prepara antes hato ba vise dekanu sira no xefe departamentu sira atu partilla no sosializa informasaun sira ne’e ba finalista sira ne’e, atu bele lori ona sira nia dokumentus ne’ebé mak sira prepara ona.
“Enkontru ho vise dekanu sira no xefe departamentu sira ne’e atu bele prepara hela dokumentus sira, bele lori mai submete iha fakuldade, hodi hato ba iha Unidade Admistrasaun Akadémiku Estudantil ou konesidu uluk ho BAAK atu nune’e sira bele prepara ona relatoriu hodi submete ba iha Ensinu superior”tenik Nia.
Vise reforsa, ida ne’e mak ita hakarak prepara ho di’ak tanba dadus hirak ne’e esensial ba iha graduadus kandidatu finalista sira, tanba sekuandu dokumentus sira ne’e la iha hanesan Diploma Legalizadu husi sekundariu, Sertidaun RDTL no nst.. ne’ebé mak presiza husi Ministériu Ensinu Superior la iha, entaun sira nia diploma ne’ebé ita produs husi universidade la bele legaliza husi Ministériu Ensinu Superior.
Partisipa iha reuniaun ne’e, Vise Reitor Asuntu Akadémiku, Sr. Joaninho Xavier Hei, Lic. CSH., M. Ed. Vise Dekanu husi Fakuldade 6 nomós Xefe Departamentu sira.