VISE REITOR ASUNTU AKADÉMIKU HALO DISKUSAUN HO EKIPA HUSI AHHA
Dili-Universidade da Paz (UNPAZ) nia Vise Reitór Asuntu Akadémiku, Sr. Joaninho Xavier Hei, Lic. CSH, M.Ed.,PhD. Halo diskusaun ho ekipa AHHA Education Timor-Leste, kona-ba prosesu aprendizajem ne’ebé atu implementa ba estudante foun tinan akadémiku 2025 nian.
Vise Reitór Asuntu Akadémiku, Sr. Joaninho Xavier Hei, Lic. CSH, M.Ed.,PhD. Hateten ohin ita halo diskusaun ho ekipa sira husi instituisaun AHHA ne’ebé sira hakarak hanorin estudante foun sira iha tinan 2025 nian, ne’ebé nia konteúdu lokal liuliu ba iha lian Portuges no Ingles nomós servisu pratika sira durante fulan tolu sira mak sei hanorin hotu.
“Agora ita sei iha faze diskusaun ne’ebé ita sei hato’o ba Magnífiku Reitór, hafoin bele fó sai ba públiku husi semester ida ne’e estudante sira ne’ebé tama iha UNPAZ iha fulan tolu primeiru professor sira husi AHHA mak sei hanorin estudante semester primeiru nian. Maibe antes hala’o atividade ida ne’e sei iha konkordansia entre parte rua asina akordu molok implementa”,dehen Vise.
Nia hatutan, depois de diskusaun ita mós fahe oinsa dezenvolve kurikulum nomós dezenvolve planu lisaun sira, oinsa sira bele hapar ho sira-nia kurikulum molok hanorin, maibe AHHA mós iha programa sira seluk ne’ebé ita presiza bele loke tan iha área kooperasaun liuliu ba iha teoria ba estudante semester boot sira iha kampus, maibe ba pratika bele ba iha AHHA nia fatin.
Atividade diskusaun ne’e, realiza iha Gabinete Vise Reitór Asuntu Akadémiku nia fatin (04/02/25) horseik.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
