VISE REITÓR ASSUNTU AKADÉMIKU HETAN PREZENSA HUSI EKIPA MINISTERIU NEGÓSIU ESTRANJEIROS
Dili-Universidade da Paz (UNPAZ) nia Vise Reitór Assuntu Akadémiku, Sr. Joanoniho Savier Hei, Lic.CSH.,M.Ed. hetan prezensa husi ekipa Ministeriu Negósiu Estranjeiros hodi ko’alia kona-ba Programa Sosializasaun Servisu Ministeriu Negósiu Estranjeiros No Kooperasaun Timor-Leste Ba Estudante Sira Iha Universidade Da Paz, iha nia Kna’ar fatin (26/05).
Vise Reitór Assuntu Akadémiku, Sr Joanoniho Savier Hei, Lic.CSH.,M.Ed. hateten Liu husi biban ida ne’e, sira halo sira nia seminariu kona-ba Polítika externa Minitério Negosius Estranjeirus ne’ebé hala’o durante tinan rua nulu, sira hakarak mai halo Sosializasaun ba estudante sira iha universidade da paz liu-liu fakuldade CSH nomós fakuldade Direitu.
Nia hatutan, atividade ida ne’e, estudante sira sei partisipa iha semana oin hodi hatene kona-ba polítika Minitério Negosius Estranjeirus ne’ebé hala’o durante tinan rua nulu, no sira nia polítika ne’e atinji ona saida, sira mós sei ko’alia kona-ba adezaun Timor-Leste sai mebru Asean.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
