VICE REITOR ASUNTU KOOPERASAUN UNPAZ PARTISIPA IHA TOWARDS DIGITAL CONFERENCE

VICE REITOR ASUNTU KOOPERASAUN UNPAZ PARTISIPA IHA TOWARDS DIGITAL CONFERENCE

Dili-Universidade da Paz (UNPAZ) nia Vice Reitor Assuntu Kooperasaun Interna & Externa, Sr. Luis P. Cardoso, Dip.Cs, Lic. CSH,MA,Mcs. sai oradór prinsipal iha TOWARDS DIGITAL CONFERENCE ho tema”Benefisiu Transformasaun Digitalizasaun iha Ensinu Superior iha Timor-Leste”,ne’ebé organiza husi Telekomcel ho objetivu atu aumenta koñesimentu digitalizasaun iha área servisu administrasaun nomós edukasaun, nune’e iha futuru oin mai bele aplika no husi tempu ba tempu sei kontinua hodi timor ba nasaun digital, iha Salaun Suai Room Timor Plaza (15/02).

Vice Reitor ne’e haheten, ohin ha’u reprezenta UNPAZ sai hanesan painelista ida iha komferensia, ne’ebé organiza husi Telekomcel, ho objetivu atu haree kona-ba papel universitariu sira nian, liuliu iha Sistema digitalizasaun ho ida ne’e, panelista husi Indonesia mós mai fahe sira nia esperiensia, oinsa utiliza sisitema digital inklui Timor-Leste ne’ebé ohin ita partisipa. Tanba ne’e iha Universidade da Paz ita instala ona Sistema online ba estudante hodi asesu ba valor, SPP, inklui informasaun akadémiku inian.

”Apresia tebes, tanba ita bele mai fahe ita nia esperiensia ho universidade sira iha timor nomós universidade sira husi Indonesia, ida ne’e nu’udar oportunidade di’ak tebes, ita espera katak, ba futuru Sistema digitalizasaun ne’e, ita bele implementa ona universidade sira, liuliu iha Universidade da Paz, maske neneik, ita hahu koko utiliza hodi dezenvolve di’ak liu tán iha futuru”,dehan Vice Reitor Assuntu Kooperasaun Interna & Externa, Sr. Luis.

Nia hatutan, agora ita iha rasik aplikasaun kona-ba akadémik online nian, ita espera ho hanoin sira ne’ebé mak ohin fahe ne’e, ita bele tau tán aplikasaun seluk, nune’e ita bele utiliza, exemplu finansas online, aprendisajen online no seluk tán inklui fornese informsaun di’ak liu ba estudante sira.

Entretantu komferensia ida ne’e ho tema TOWARDS DIGITAL CONFERENCE no aprezenta topiku rua mak hanesan:

Aprezenta solusaun E-Campus (Eletronic Campus):

Transformasaun Servisu Akadémiku hodi atinje ba estudu no efisiensia Operasional iha edukasaun ne’ebé di’ak liu.

(Transform Academic Service to aim Study Success and Operational Efficiency in Higher Education)

-Panel diskusaun:

Digitalizasaun hanesan save ba servisu transformasaun akademiku

(Digitalization as a Key of Academic Services Transformation)

Panelista:

1. Awaludin Zakaria, CEO SKI

2. Drs. Florindo Pereira M.Si, PhD, Reitor UNITAL

3. Vice Reitor Assuntu Kooperasaun Interna & Externa, UNPAZ,Sr. Luis P. Cardoso, Dip.Cs, Lic. CSH,MA,Mcs.

4. Ast.Prof, August da Costa, SS, M.Theo, MA, MPd,PhD, Vice Diretor Cristal

5. Ministerio da Educacão, Juventude e Desporto

Moderador: Samantha Abel, Telkomcel Product & Service Innovation Manager. No hetan partisipasaun masimu husi audensia no instituisaun universidade sira.