USAID DEZAMINA INFORMASAUN BA ESTUDANTE UNPAZ KONA-BA DISKURSU PUBLIKU

USAID DEZAMINA INFORMASAUN BA ESTUDANTE UNPAZ KONA-BA DISKURSU PÚBLIKU

Dili-Universidade da Paz (UNPAZ) reprezenta Dekanu Fakuldade Ekonomia Vice III Dekanu Sr. Guilermino Mendonça, Lic.Eco.,MM, loke abertura bá programa dezamina informasaun husi USAID bá estudante Universidade da Paz, iha Salaun Josê Casimiro 04/07.

Reprezenta USAID Sr. Fonseca Miranda, ho nia komitiva sira mai dezamina informasaun bá estudante sira iha Universidade da Paz, kona-bá diskursu públiku iha área turismu relisoza nian, nia hateten ami husi USAID nia kna’ar ami servisu hamutuk ho ATRTL, Asosiasaun Turizmu Relisozu Timor-Leste, ne’e asosiasaun foun ne’ebé maka foin hari’i husi USAID ami maka servisu hamutuk ho sira, saida maka ami atu bá halo ohin loron bá ita bo’ot sira, ne’e faze ida primeiru ami bolu dehan sesaun infomasaun, ami atu halo saida iha tinan-tinan hahu husi kedan 2019 ami servisu foku liu kona-bá kompetisaun diskursu públiku.

Ba tinan ida ne’e ami loke tán bá públiku katak, semaka hakarak kada universidade estudante sira semaka hakarak bele aplika bá iha diskursu públiku ne’e, ami nia kompetisaun ida ne’e liga liu bá iha turizmu, ida ne’e opurtunidade di'ak ida bá ita bo’ot sira, tamba ita bo’ot sira aplika bá diskursu maka ita bo’ot sira manan sei estajiu hamutuk ho ami tinan ida, atu hatene klaru kona-bá kriteria ne’ebé atu aplika nian bele asesu de'it bá iha ami nia pagina facebook Ha'u nia Timor.

Partisipa iha atividade ne’e Viçe Reitor Asuntu Estudantil no Antigus Alunus, Sra. Marilia Juvi Gonçalves, Lic.SP.,M.Kes, III Viçe Dekanu Sr. Guilermino Mendonça, Lic.Eco.,MM, Reprezenta USAID Sr. Fonseca Miranda,ho nia komitiva, estudante sira kompostu husi fakuldade ne’en.