UNPAZ-VIZITA CENTRU NASIONAL FORMASAUN PPROFISIONAL BECORA

UNPAZ-VIZITA CENTRU NASIONAL FORMASAUN PPROFISIONAL BECORA.

Dili-Universidade da Paz (UNPAZ), liuhusi Dekanu Fakuldade Enjeñaria akompaña mós husi xefe Departamentu sira, hodi halo vizita ba Centru Nasional Formasaun Profisional Becora, ho objetivu atu hala’o kooperasaun, nune’e hodi servisu hamutuk iha future, iha (CNFPB), (25/10).

Xefe Departamentu Enjeñaria Industria Sr. Jeronimo da Silva, Lic.Eng.,M.Eng, hateten, relasiona ho vizita ne’ebé maka ohin ba iha, Centru Nasional Formasaun Profisional Becora, husi vizita ida ne’e rasik Sr. Dekanu Fakuldade Enjeñaria, Josê Manuel Meniquin, Lic.Eng.,M.Eng, akompaña husi Xefe Departamentu Enjeñaria Industria, no Xefe Departamentu Enjeñaria Sivil, objetivu ba vizita ida ne’e, atu ko’alia liu kona-ba kooperasaun.

Nia hatutan, tinan-tinan ita nia estudante sira sempre halo pratika, entaun iha semana rua kotuk liu ba ha’u rasik halo aprosimasaun ho Sr.Diretur CNFPB, nia mós kontenti loos ba prezensa ida ne’e, maske ho berval de’it, entaun iha tempu ne’eba ha’u dehan ba Sr. Diretór, iha tempu badak, ami sei mai halo vizita iha fatin, tanba ne’e, maka ohin husi parte rua hasorumalu hodi halo ona diskusaun, nomós ami halo vizita ba sira nia Departamentu sira, tanba iha ne’eba sira la’os kursu de’it, maibe sira aprende husi teoria nomós pratika ho ida ne’e, ita presija tebes atu halo kooperasaun ho sira.

Iha Centru de Formasaun ne’e ami identifika katak, iha área Industria mós iha no Depatamentu Sivil nian mós iha, tanba ne’e maka, ami nia Dekanu sujere katak, ida ne’e iha parte ida ne’ebe maka ami presija halo duni kooperasaun, ba Centru refere, ne’eduni, ohin parte rua halo diskusaun konkorda malu katak, iha tempu badak, parte rua sei halo diskusaun atu nune’e loron bo’ot ne’e liu ita sei asina ita nia nota de intendimentu.

Partisipa iha iha sorumutu ne’e Dekanu Josê Manuel Meniquin, Lic.Eng.,M.Eng, Xefe Departamentu Enjeñaria Sivil, Dinis Pinto, ST.MT, representa husi Diretue CNFPB Sr. Noel Osorio Sanches, Lic.Tec, inklui mos nia funsionariu sira.