UNPAZ-VISE REITOR ASUNTU AKADEMIKU HO VISE DEKANU SIRA HALAO ENKONTRU BA PREPARA EZAME FINAL

UNPAZ-VISE REITÓR ASUNTU AKADÉMIKU HO VISE DEKANU SIRA HALA’O ENKONTRU BA PREPARA EZAME FINAL.

Dili-Universidade da Paz (UNPAZ) nia vise reitor asuntu akademiku ho vise dekanu no Xefi departamentu sira husi fakuldade neen hala’o enkontru hodi prepara ba estudante finalista sira nia ezame final no semester par sira ba ezame final semester ida ne’e nian, iha Aula Prof. Dr. Lucas da Costa (22/10).

Vise Reitór Asuntu Akademiku, Sr. Joaninho Xavier Hei, Lic. CSH. M. Ed. Hateten, enkontru ida ohin hamutuk ho vise dekanu sira husi fakuldade neen nomós Xefi departamentu sira husi fakuldade neen, hodi ko’alia asuntu rua, Asuntu Primeiru mak kona-ba ezame final ba iha semester ida ne'e nian.

Nia hatutan, husu ba korpus dosente sira nomós estudante sira liuliu ba dosente sira, aselera lalais materia hodi hasoru malu ho estudante sira, prense kriteriu ne’ebé mak iha, nune’e dia 14 fulan oin, ita bele hakat ona ba ezame final.

Asuntu segundu mak ezame obra sientifiku, Obra sientifiku ita sei taka iha fulan oin dia 10 de Novembru 2022, tanba ida ne’e, mak ohin ita enkontru ne’ebé total estudante finalista sira ne’ebé mak hakarak gradua iha tinan ida ne’e, di’ak liu aselera lais imi nia peskiza no imi nia obra sientifiku ne’ebé mak hakerek ona, hodi hakat mai iha imi nia orientadór sira para imi bele hala’o ezame iha semana hirak ba oin, Nia salienta.

Partisipa iha reuniaun ne'e, Vise Reitór Asuntu Akademiku, Sr. Joaninho Xavier Hei, Lic. CSH. M. Ed. Vise Dekanu sira husi Fakuldade neen, nomos Xefe Departamentu sira husi Fakuldade neen.