UNPAZ-VICE REITÓR SAI ORADOR PRINSIPAL IHA SEMINAÁRIU LISAUN ELEISAUN PREZIDENSIAL 2022 IHA TIMOR-LESTE
Dili-Universidade da Paz (UNPAZ) nia Vice Reitór Asuntu Akadémiku, Sr. Joaninho Xavier Hei, Lic. CSH.,M.Ed. sai orador prinsipal nu’udar mós akadémiku nia observasaun kona-bá eleisaun prezidensial 2022 iha Timor-Leste ne’ebé liu ona, iha Timor Plaza Suai Room (25/03) horseik.
Vice Reitór, hateten ohin ita halo semináriu kona-bá lisaun eleisaun prezidensial 2022 iha Timor-Leste, hanesan akadémista ita nia observasaun prosessu eleisaun la’o kapas lo’os, Estae ho CNE kolabora ho parte Ministeriu Saúde hodi prepara fasilidsde sira iha terenu, ita nia PNTL ho F-FDTL sira mós hala’o servisu di’ak tebes hahú husi kampaña to’o eleisaun remata.
Nia hatutan, ita nia observasaun mak labarik ki’ik sira ne’ebé kontinua partisipa hotu iha kampaña, tuir lolo’os labele, seluk mak estudante rihun rua resin ne’ebé rejistu la konsege tuir eleisaun.
“Ita rekomenda presiza tau mós sentru votasaun iha instituisaun ensinu superior sira liu-liu Universidade sira, tanba estudante barak ho nune’e fasil liu ba estudante sira bele tuir eleisaun, atu nune’e sira mós bele ejerse sira nia direitu iha eleisaun ne’e iha segundu ronde”,Haktuir Vice Reitór Unpaz.
Partisipa iha Semináriu ne’e, Vice Reitór Asuntu Akadémiku, Sr. Joaninho Xavier Hei, Lic. CSH.,M.Ed. ho Estrutura sira kompostu husi Dekanu, nomós Dosente sira, Reitór UNTL, Sosiedade Sivil, PDHJ, Reprezentante g7+ CNE, ho Estae, Observador Internasional nomós Nasional sira, inklui Estudante UNPAZ, UNTL no UNDIL.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
