UNPAZ-VICE REITÓR ASUNTU AKADEÉMIKU KONVOKA REUNIAUN HO ESTUDANTE NA’IN 12
Dili-Universidade da Paz (UNPAZ) nia Vise Reitór Asuntu Akadémiku, Sr. Joaninho Xavier Hei, Lic. CSH.,M. Ed. hala’o enkontru ho estudante na’in 12 husi fakuldade ne’en, hodi hatan kona-ba karta ne’ebé diriji husi Avó Nana nia ekipa, hodi bele halo viajem ba haree rikusoen ne’ebé eziste iha tasi laran, durante loron rua , 15-16 Outubru 2022, iha Vice Reitor Asuntu Akademiku nia kna’ar fatin (14/10).
Nia hatutan, enkontru ho estudante na’in 12 ne’e, tanba ita hetan vizita husi exselensia Sr. Kairala Xanana Gusmão nia ekipa, mai iha ne’e, sira iha planu ida katak atu observa riku soen tasi laran, hamutuk ho Avó Nana ne’ebé sira mai husu ita, kada universidade iha timor laran inklui mós Universidade da Paz.
“Ita iha Universidade da Paz hili estudante sira kada fakuldade, fakuldade ida iha estudante na’in rua atu reprezenta sira nia maluk sira iha loron primeiru, sira na’in ne’en hamutuk ho ita nia magnifiku reitór ho Avó Nana sei observa riku soen ne’ebé mak eziste iha tasi laran”,dehan Vice Reitór Asuntu Akadémiku, Sr. Joaninho.
Tamba ne’e mak ita hili ona estudante na’in 12, sira na’in ne’en aban sei ba uluk hanesan etapa primeiru nian iha loron sabadu dia 15 de Outubru, no na’in ne’en seluk hanesan grupu segundu sei ba iha loron domingu dia 16 de Outubru 2022.
Entretantu iha reuniaun ne’e, Vise Reitór Asuntu Akadémiku, Sr. Joaninho Xavier Hei, Lic. CSH.,M. Ed. ho Estudante na’in sanulu resin rua (12) ne’ebé reprezenta husi Fakuldade neen.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
