UNPAZ-TINAN NEE PROGRAMA SAUP SEI HARUKA ESTUDANTE NAIN 5 BA ALEMANA

UNPAZ-TINAN NE’E PROGRAMA SAUP SEI HARUKA ESTUDANTE NA’IN 5 BA ALEMAÑA

Dili-Universidade da Paz (UNPAZ) liuhusi Programa SAUP ba tinan ida ne’e sei haruka estudante na’in lima (5) husi Relasaun Internasional ba iha Alemaña atu realiza estudu da Paz, durante fulan lima, iha aula SAUP Office (19/01).

Sra. Kristina Von Stosch, hateten Programa SAUP mak promra rejionál ne’ebé servisu iha nasaun tolu (3) Cambodia, Filipina no Timor-Leste, hetan apoiu husi Alemaña Marbuk University no GIZ.

Nia hatutan, Programa SAUP kontinua husi Cambodia no Filipina, Marbuk University, maibe iha Timor-Leste GIZ tenki sai kooperasaun ho Alemaña tenki sai nasaun Timor, programa ne’e nafatin husi Cambodia atu apoiu virtual no treinamentu mai iha UNPAZ.

“Tinan ida ne’e sei organiza interkambiu ba estudante na’in lima, husi Relasaun Internasionál atu ba Alemaña hodi realiza estudu da Paz durante fulan lima, no mós ami atu organiza interkambiu ho dosente na’in rua ho Xefe Departamentu Relasaun Internasionál, atu ba Alemaña durante semana tolu iha tinan ida ne’e”,dehan Sra Kristina.

Ami mós sei organiza eventu kona-ba Paz, iha 11 Fevereiru tinan ida ne’e ho komunidade sira, hodi ko’alia kona-ba Paz iha Timor, nomós sei prepara kurikulum estudu da Paz ba Mestradu nian, tenik Nia.

Benefisiu bo’ot estudante na’in lima ba Alemanha, nomós benefisiu ba Universidade mak dosente sira bele hatene kona-ba estrutura, no maneira hanorin iha Universidade, inklui hadia mós metodologia hanorin iha UNPAZ, Nia reforsa.