UNPAZ-TESTE EXAME BA KANDIDATU ESTUDANTE FOUN 868 BA ETAPA DATOLUK

UNPAZ-TESTE EXAME BA KANDIDATU ESTUDANTE FOUN 868 BA ETAPA DATOLUK

Dili-Universidade da Paz (UNPAZ) liuhusi Unidade UA-AAE ne’ebé responsabilidade ba rejistrasaun estudante foun tinan akadémiku 2022 hahú ona teste exame ba estudante foun etapa datoluk nian, hamutuk atus ualu neen nulu resin ualu (868), iha Kampus UNPAZ (12/02).

Diretór UA-AAE, Sr. Almerindo Bianco Sequeira, Lic.Tec.,M.Eng. hateten, total estudante foun ne’ebé tuir ona teste exame husi etapa I,II no III, hamutuk estudante rihun ida atus ualu sanulu resin rua(1812).

Kandidatu Estudante foun, Natalia Martins de Jesus, hateten, hili UNPAZ, tanba durante ne’e ha’u asesu informasaun, nia prosesu la’o ho di’ak, tanba ne’e mak ha’u hakarak atu mai aprende iha fatin ne’e.

“Hili Fakuldade Saúde Públika, atu aprende liu-liu kona-ba Saúde nian, atu nune’e bele aplika iha komunidade nia le’et, hodi sai komunidade moris saudavel”,Dehan Nia.

Aliende ne’e, Estudante foun, Novindo de Jesus, hatutan, hili mai iha UNPAZ, tanba atu aprende tuir maun sira nia ain fatin ne’ebé finaliza sira nia estudu iha UNPAZ, tanba ne’e UNPAZ mak fatin ne’ebé di’ak ha’u bele aprende.

“Ha’u hili Fakuldade Agrikola, tanba iha ita nia Nasaun Komunidade barak mak moris ho agrikultura, tanba ne’e mak ha’u hili Fakukdade id ne’e, termina ha’u nia estudu ha’u bele fila ba ha’u nia rai hodi hadia, no hatudu ba oin katak, ita nia ai-han Kapas”,Nia Subliña.