![UNPAZ-TESTE EXAME BA KANDIDATU ESTUDANTE FOUN 456 BA ETAPA DA IV](https://unpaz.tl/asset/foto_berita/274148551_679444833507472_7097984157776080890_n.jpg)
UNPAZ-TESTE EXAME BA KANDIDATU ESTUDANTE FOUN 456 BA ETAPA DA IV
Dili-Universidade da Paz (UNPAZ) liuhusi Unidade UA-AAE ne’ebé responsabilidade ba rejistrasaun estudante foun tinan akadémiku 2022 hala’o teste exame ba estudante foun etapa da IV nian, hamutuk atus haat lima nulu resin neen (456), iha Kampus UNPAZ (23/02).
Diretór UA-AAE, Sr. Almerindo Bianco Sequeira, Lic.Tec.,M.Eng. hateten, kandidatu estudante foun UNPAZ ne’ebé tuir teste ba ohin loron nian, kompostu husi estudante sira ne’ebé maka rejistu ona iha etapa I, II no III, sira ne’ebé la konsege tuir teste iha momentu ne’eba, entau ohin mós oportunidade ba sira atu tuir teste.
Kandidatu estudante foun foun ne’ebé tuir ona teste exame husi etapa I, II, III no IV, hamutuk estudante (2.180), husi numeru estudante (2.180). Fakuldade Ekonomia ho total estudante (398), Fakuldade Direitu (307), Fakuldade Siénsia Sosiais Humaniora (397), Fakuldade Saúde Públika (667), Fakuldade Enjeñaria (322), Fakuldade Teknologia Agrikola (65).
“Sei iha nafatin oportunidade hodi simu rejistrasaun ba kandidatu estudante foun UNPAZ ba etapa da V”,dehan Diretór UA-AAE, Sr. Almerindo.
Kandidatu estudante foun, Fakuldade Direitu, Cezario Cezar, sente kontente tanba nudar joven ida bele estuda iha Universidade da Paz, ne’ebé liga liu ba iha área Direitu nian, tanba ita hatene katak, kazu barak akontese, ha’u hanoin henesan dalan ida oinsa ita atu kombate, tanba ne’e mak ho esperitu joven nian ita hakarak liberta ita nia ema sira ne’ebé moris iha mukit, nune’e sira bele livre iha krimi no asaun saida de’it.
“Inisiativa rasik ha’u hili UNPAZ, tanba UNPAZ sei fó oportunidade mai ha’u atu aprende barak liu iha área Direitu, UNPAZ ha’u fiar sira iha kapasidade no iha rekursu ne’ebé naton hodi fahe ba nia estudante sira, ba oin ha’u fiar ho kualidade ne’ebé ita iha, ita nia dosente sira sei fahe buat lubuk ida ba nia estudante sira hodi halo mudansa”,tenik Nia.
Aliende ne’e, Kandidatu estudante foun, Fakuldade Ekonomia, Departamentu Bankaria, Elisa Baptista Ximenes, hatutan, ha’u hili UNPAZ atu aprende liu-liu iha Deparatamentu Bankaria nian, tanba dala barak iha banku ema sempre presija ema ne’ebé estuda kona-ba área Bankaria nian.