UNPAZ-TESTE EXAME BA ESTUDANTE FOUN ETAPA DARUAK 658

UNPAZ-TESTE EXAME BA ESTUDANTE FOUN ETAPA DARUAK 658

Dili-Universidade da Paz (UNPAZ) liuhusi Unidade UA-AAE ne’ebé responsabilidade ba rejistrasaun estudante foun tinan akadémiku 2022 hahú ona teste exame ba estudante foun etapa daruak nian, hamutuk atus Neen liam nulu resin ualu (658), iha Kampus UNPAZ (29/01).

Diretór UA-AAE, Sr. Almerindo Bianco Sequeira, Lic.Tec.,M.Eng. hateten iha etapa segundu ohin ita halo teste ba sira hamutuk atus neen liam nulu resin ualu (658), Fakuldade Ekonomia 196, Direitu Fakuldade 157, Fakuldade CSH (209), Fakuldade Saúde Públika (216), Fakuldade Enjeñaria (142), Fakuldade Agrikola (32).

“total estudante foun ne’ebé rejistu iha Universidade da Paz, kompostu husi Fakuldade neen, ne’ebé tuir ona exame husi etapa primeiru no etapa segundu hamutuk estudante foun (952)’,dehan Sr. Almerindo.

Kandidatu estudante foun, Olivio Maria Freitas, katak, ha’u iha inisiativa rasik hili UNPAZ, hakarak kontinua estudu iha Enjeñaria Sivil, no ha’u hili departamentu ida ne’e haree ba ita nia nasaun ne’ebé mak foin hamrik, presija tebes ema enjeñaria barak atu aijuda konstrusaun iha Timor-Leste.

“ hahú estudu iha ne’e, tanba UNPAZ nakloke ba ema hotu, no ha’u hili Enjeñaria sivil, bazeia ba ita nia nasaun ne’ebé foin hamrik presija tebes ema enjeneru atu bele halo konstrutusaun ba ita nia nasaun bele sai di’ak”, tenik Olivio.

Aliende ne’e, Kandidatu estudante foun, Laurinda dos Santos afirma, ha’u hakarak asesu mai iha UNPAZ, Fakuldade Ekonomia liu-liu ba iha Departamentu Kontabilidade, tanba ha’u iha inisiativa rasik hakrak estuda iha área ne’e, hodi hadia ekonomia uma laran nomós ba nasaun nian.

Estudante foun ne’ebé partisipa iha exame ba etapa daruak nian hamutuk, atus Neen liama nulu resin ualu (658), total estudante ne’ebé teste ona husi etapa primeiru atus tolu rua nulu resin ualu, husi etapa primeiru no segundu total estudante foun hamutuk (952) kompostu husi Fakuldade Neen ne’ebé existe iha Universidade da Paz.