![UNPAZ-TELKOMSEL SELEBRA NOTA ENTENDIMENTU](https://unpaz.tl/asset/foto_berita/45.jpg)
UNPAZ-TELKOMSEL SELEBRA NOTA ENTENDIMENTU
Dili-Universidade da Paz (UNPAZ) Magnifiku Reitór Universidade da Paz, Dr. Adolmando Soares Amaral , Lic. Eco. MM. asina nota entendimentu ho Chief Executive Officer Telkomsel, Sr. Benedictus Ardiyanto Priyo, kona-ba fasilita liña internet ba kampus UNPAZ ramu Raeoa Oe-cusse, Covalima nomós sanak UNPAZ Liquiça, iha Aula Prof. Dr. Lucas da Costa (08/08).
Magnifiku Reitór Universidade da Paz, Dr. Adolmando Soares Amaral , Lic. Eco. MM. hateten ohin asina nota entendimentu ho kompaña telekominikasaun Indonesia telkomsel Internasional ne’ebé durante ne’e halo hela investimentu telekominikasaun iha Timor-Leste, tanba ne’e ita mós husu sira atu ajuda fasilitas liña internet ba iha kampus ramu sira iha Munisipiu hanesan iha Raeoa, Covalima nomós Liquiça.
“Iha futuru ita hanoin katak, sira mós bele ajuda mai iha kampus sentral, tanba agora dadaun ne’e telkom University Indonesia mak oferese hela liña ba biblioteka online, ne’ebé Universidade da Paz husu telkomsel atu oferese internet mai iha Timor, depois ida ne’e sira bele fasilita ita atu bele asesu ba biblioteka online ne’ebé telkom University Indonesia oferese tia ona ba ita”,dehan Reitór.
Sorin seluk, Chief Executive Officer Telkomsel, Sr. Benedictus Ardiyanto Priyo, agradese ba lideransa UNPAZ, kompara kampuz UNPAZ ho kampus sira seluk iha timor-leste ba ami hanesan lideransa telkomsel nian, UNPAZ bo’ot liu ho nia estudante ne’ebé barak.
“Telkomsel prontu atu hamrik hamutuk ho sivitas akadémiku UNPAZ, la’os dehan atu halo parseira hodi halo besnis, maibe ita atu fahe hanoin no servisu hamutuk di’ak liu tan iha futuru oin mai, hodi ajuda komunidade liuliu iha área komunikasaun”,tenik Nia.
Nia salienta, tanba tempu ida agora globalizasaun, telkomsel mai iha timor leste, la’os ho hanoin atu sai investór, maibe mai para atu servisu hamutuk ho instituisaun ne’ebé, exemplu hanesan UNPAZ, ami hanesan kompaña telkomsel, ami hato’o agradesimentu ba sivitas akadémiku tomak UNPAZ ne’ebé ohin 2022 ita bele estabele ona akordu entre UNPAZ ho telkomsel.
Partispa iha sebra nota entendimentu ne’e, Magnifiku Reitór Universidade da Paz, Dr. Adolmando Soares Amaral , Lic. Eco. MM. ho Estrutura tomak, Chief Executive Officer Telkomsel, Sr. Benedictus Ardiyanto Priyo, ho ekipa, inklui Funsionariu sira.