UNPAZ-TELEMOR HALO SOSIALIZASAUN BA ESTUDANTE SIRA IHA UNPAZ

UNPAZ-TELEMOR HALO SOSIALIZASAUN BA ESTUDANTE SIRA IHA UNPAZ

Dili-Universidade da Paz (UNPAZ) liuhusi Kompaña Telemor ne’ebé servisu hamutuk ho UNPAZ, ohin halo atividade sosializasaun programa balu ne’ebé importante tebes hodi ajuda estudante sira hamenus kustu sosa pulsa, iha Kampuz UNPAZ (28/03).

Vice Reitór Asuntu Koperasaun Interna no Externa, Sr. Luis Pereira Cardoso, Dip.Cs.,Lic. CSH.,MA.,Mcs. ne’ebé reprezenta Magnifiku Reitór, hateten, UNPAZ ho Telemor Kooperasaun ida ne’ebé di’ak lo’os durante ne’e, ida ne’e ami nia parseiru ida ne’ebé di’ak tebes, tamba iha programa barak mak sira lori mai, durante tinan ida ami hetan pulsa Telemor nian gratuita ba dosente funsionariu nomós estrutura sira.

“Apresia tebes ba Kompaña Telemor liuhusi kooperasaun mak sira fornese ida ne’e, ami mós utiliza liña internet huis Telemor nian, iha tempu badak sei instala mós liña internet iha kampuz ramu UNPAZ Liquisa, ba iha Fakuldade rua Enjeñaria no Teknologia Agrikola”,dehan Nia.

Vice ne’e Subliña, Telemor mai halo sosializasaun programa balu ne’ebé liuhusi programa ne’e bele ajuda estudante sira, oinsa redus sira nia kustu sosa pulsa ninian, apresia tebes kooperasaun ho Telemor, tanba lori programa barak mai iha UNPAZ hodi ajuda estudante sira.

Programa balu sei realiza aban ne’ebé ko’alia kona-bá aplikasaun online ho naran Meskola, inisiu sei hahú husi Fakuldade Siénsia Sosiais Humaniora. Programa Meskola ninian bele utiliza ba estudante sira nomós dosente sira hodi hanorin online iha UNPAZ. Tamba ne'e, apresia tebes prejensa Telemor nian bele ajuda ho meus oioin, oinsa bele hafasil ami nia estudante sira nia problema, Reforsa Nia.

Aliende ne’e, Diretór Jeral Kompaña Telemor, Sr. Nguyen Ngoc Tu, hatutan, Telemor nu’udar kompaña ida ne’ebé ami halo investimentu iha seitór telekomunikasaun, ami mós halo investimentu iha Asia, Afrika no Amerika Latinha, ami nia misaun mak atu lori servisu dijital telekomunikasaun ba ema hotu.

“Tamba ne’e mak ami mai iha Timor-Leste, ami nia misaun ida ne’e ami kontinua nafatin iha Timor-Leste, ami hakrak lori benefisiu ba estudante sira tanbá mundu agora dijitalizasaun, ita hatene katak estudante mak futuru nasaun nian presija apoiu, tán ne’e mak ohin ami halo eventu ida ne’e hodi fó promosaun bonus bo’ot ba estudante sira, hodi utiliza ba sira nia atividade komunikasaun lorloron nian”,haktuir Diretór Jeral Kompaña Telemor, Sr. Nguyen.

Nia esklarese, Telemor iha Timor-Leste durante tinan (10) ona, ne’ebé ami halo investimentu, ami konsidera estudante importante liu ba nasaun ida ne’e, tanba ne’e mak ami fó bonus no promosaun ba estudante sira.

Programa ida ne’e ami fous ba UNPAZ de’it, depois de ida ne’e rema, karik iha posibildade atu kontinua kopera ho sira seluk ami sei haree lai, tanba tinan ida ne’e ami kompleta ona ba tinan (10) Afirma Nia.

Partisipa iha eventu refere, Vice Reitor Asuntu Koperasaun Interna no Externa, Sr. Luis Pereira Cardoso, Dip.Cs.,Lic. CSH.,MA.,Mcs. Diretór Jeral, Nguyen Ngoc Tu, ho Ekipa, inklui Estudante sira hotu iha Universidade da Paz.