UNPAZ-TELEMOR FO FORMASAUN BA DOSENTE NO ESTUDANTE SIRA KONA-BA APLIKASAUN MESKOLA

UNPAZ-TELEMOR FÓ FORMASAUN BA DOSENTE NO ESTUDANTE SIRA KONA-BÁ APLIKASAUN MESKOLA

Dili-Universidade da Paz (UNPAZ) liuhusi Kompaña Telemor hala’o atividade formazaun ba dosente sira husi Fakuldade Siénsia Sosiais Humaniora nomós estudante sira, kona-bá aplikasaun Meskola, hodi utiliza ba iha prosessu aprendisajen online nian iha aula, iha Aula Prof. Dr. Lucas da Costa (29/03)

Deputy Manager of Enterprise Solution, Sr. Mariano Moniz Gonçalves, hateten, ami nia planu hodi sistema foun ne’e ba iha universidade hotu-hotu, primeiru ami hakarak mai iha UNPAZ, ami atu aplika para oinsa estudante sira atu hamenus print dokumentus sira, ita haree estudante barak sira mai haluhan lori sira nia livru balu haluhan sira nia bahan, ho sistema ida ne’e dosente sira bele kria no tau hotu dokumentu sira, fasil ba estudante sira bele atu assesu, karik estudante sira iha lia ruma, prolema no vizita familia ruma iha Munisipiu sira mós bele asessu liuhusi sistema online ida ne’e.

Nia hatutan, Sistema ida ne’e bele fasil liu ba estudante sira ne’ebé hasoru hela problema, moras no vizita familia iha foho, la hetan materia ida ne’e husi dosente, maibe ho sistema ida ne’e atu fasilita estudante sira ho dosente sira para redus sira nia tempu, maibe ho sistema ida ne’e atu fó benefisiu ne’ebé di’ak ba estudante ho dosente sira.

Manager ne’e esklarese, sistema ida ne’e kustu hotu iha telemor mak fasilita, maibe bainhira atu koperasaun estudante sira atu utiliza, ami sei kria pakote espesial ba estudante sira, iha fulan ida estudante sira bele gasta $ 2, dolar/$ 3, dolar, tamba ita haree pakote iha operador tolu, loron ida ita uza um (1) dolar se trinta (30) dias, ita uza trinta (30) dolar, maibe ida ne’e barak liu.

“Ami sei esforsu ko’alia ho ami nia diretor geral sira hotu, para atu buka pakote di’ak ida atu implementa ba iha sistema meskola ida ne’e ho presu ne’ebé di’ak, presu ne’ebé haree ba nesesidade haree ba iha universidade no estudante sira, tanba espesial liu-liu ba iha estudante sira”,haktuir Deputy Manager of Enterprinse, Sr. Mariano.

Vice Dekanu Asuntu Akadémiku, Sr. PDT. Samuel Carlos Ribeiro, CSH, MPA, ne’ebé reprezenta Dekanu Fakuldade CSH, hatutan, ita nia formasaun ida ohin ne’e, ekipa husi telemor atu fahe sira nia programa, maibe ohin ne’e husi parte telemor atu fó formasaun kona-bá aplikasaun foun ne’ebé atu fahe ba dosente nomós estudante sira.

“Agradese ba ekipa telemor nia prejensa, espera materia sira ne’ebé aprezenta iha fatin ne’e, ami prontu atu aprende hodi aplika iha ami nia atividade akadémiku”,tenik Vice Dekanu Asuntu Akadémiku, Sr. PDT. Samuel.

Partisipa iha formasaun refere, Deputy Manager of Enterprise Solution, Sr. Mariano Moniz Gonçalves, Reprezenta Dekanu Fakuldade CSH, Deputy Manager of Enterprise Solution, Sr. Mariano Moniz Gonçalves, ho Dosente inklui Estudante sira.