![UNPAZ-SIMU ESTUDANTE HUSI FDCH BOLSA PARCIAL NAIN 128](https://unpaz.tl/asset/foto_berita/6.png)
UNPAZ-SIMU ESTUDANTE HUSI FDCH BOLSA PARCIAL NA’IN 128
Dili-Universidade da Paz (UNPAZ) simu estudante husi Fundu de Dezenvolvimento do Capital Humano (FDCH) bolsa parcial ba lisa final kandidatu ne’ebé admitidu/pasa ba ensinu superior privadu UNPAZ tinan akadémiku 2022, hamutuk estudante na’in atus ida rua nulu resin ualu(128) ne’ebé sei hala’o estudu iha UNPAZ, iha Aula Prof. Dr. Lucas da Costa (09/05).
Vice Reitór I Asuntu Akadémiku, Sr. Joaninho Xavier Hei, Lic. CSH.,M.Ed. hateten, ohin loron ita simu estudante husi FDCH kona-ba bolsa parcial nian, hamutuk estudante, atus ida rua nulu resin ualu (128), ohin loron primeiru ita simu estudante sanulu resin haat (14).
Nia hatutan, estudante sira akompaña ona pajina husi FDCH, durasaun durante loron sanulu (10) ba estudante sira ne’ebé sai benefisiáriu ba bolsa parcial tenki mai ona rejistu, espera durante loron sanu ne’e estudante (128) ne’e bele mai hotu ona, tanba tuir informasaun ne’ebé estabele iha pajina FDCH katak loron sanulu.
“Universidade da Paz prontu hein estudante sira to’o loron sanu (10), hafoin ita sei desloka sira ba iha Fakuldade nomós programa estudu ne’ebé sira hili”,dehan Vice Reitór I Asuntu Akadémiku, Sr. Joaninho.
Vice ne’e, husu ba estudante ne’ebé naran iha lista atu kontinua estudu iha UNPAZ, presiza hakat mai ona, atu halo rejistrasaun, tanba informasaun ne’ebé hasai husi FDCH iha nia pajina durante loron sanulu (10) tanba ne’e UNPAZ mós halo tuir durante loron sanulu (10).
Entretantu, estudante sira ne’e simu direta husi, Magnífiku Reitór Universidade da Paz Paz, Dr. Adolmando Soares Amaral, Lic.Eco.,MM. ho Vice Reitór I Asuntu Akadémiku, Sr. Joaninho Xavier Hei, Lic. CSH.,M.Ed. nomós akompaña husi Pro Reitor Dezenvolvimentu Rekursu Humanu, Sr. Carmo Antonio Pinto Baptista, S.Sos. Msi.