UNPAZ-SERIMONIA ABERTURA ATIVIDADE ELEISAUN SENADU JERAL ESTUDANTE TINAN AKADEMIKU 2021-2022

#UNPAZ# 23 OUTUBRU 2021

UNPAZ-SERIMONIA ABERTURA ATIVIDADE ELEISAUN SENADU JERAL ESTUDANTE TINAN AKADÉMIKU 2021-2022

Dili-Universidade da Paz (UNPAZ), hala’o Serimónia abertura ba kandidatu Senadu Jeral estudante tinan akadémiku 2021-2022, iha Salaun José Kasimeiru UNPAZ (23/10).

Pro Reitór Asuntu Estudante, Sr. Julio Salsina, Lic. CSH. hateten iha abertura ne’e nia parte kongratula ba sandu sesante ho nia ekipa ne’ebé mak organiza eventu ida ne’e, ohin hodi hili senadu foun ne’ebé reprezenta husi Fakuldade Neen atu sai xefe senadu Universidade da Paz nian.

"Sira na’in neen ne’ebé tuir iha oin ne’e, imi hili tuir konsiensia ligadu ho programa ne’ebé sira promete ona, labele haree tuir ida-idak nia Fakuldade, maibe tenki haree ba ida ne’ebé nia programa di’ak atu lori aspirasaun estudante husi Fakuldade neen Universidade da Paz nian, atu kontribui no servisu hamutuk iha UNPAZ", haktuir Pro Reitór Asuntu Estudante.

Nia hatutan, ita bo’ot sira hili senadu estudante Universidade da Paz nian, atu bele halo programa no ajuda no hakman estrutura, senadu mós bele kolobora ho senadu Fakuldade sira hodi haree programa no servisu tomak iha Universidade no Fakuldade.

Partesipa iha abertura ba senadu jeral estudante, Pro Reitór Asuntu Estudante, Sr. Julio Salsina, Lic. CSH. Senadu Sesante ho nia Estrutura, inklui Estudante hotu husi Fakuldade neen.