UNPAZ-SEMINARIU EDUKASAUN SIVIKA

#UNPAZ# 18 OUTUBRU 2021

UNPAZ-SEMINARIU EDUKASAUN SIVIKA

Dili-Universidade da Paz (UNPAZ), liuhusi Ministériu  do Interior ne’ebé servisu hamutuk ho UNPAZ hodi hala’o Seminariu ho tema"Liuhusi Edukasaun Sivika Ita Desimina Informasaun ba Estudante Atu Hasa’e Konsiensia iha Prevensaun Konflitu Hodi Kontribui Paz Estabilidade no Dezenvolvimentu Nasional, iha Salaun Saúde Públika (18/10).

Dekanu Fakuldade Enjenaria Sr. José Manuel Maniquin, Ap.,Lic.Eng.,M.Eng.  ne’ebé enome Magnifiku Reitór Universidade da Paz, hateten programa ida ne’ebé di’ak tebes mai ami ne’ebé haknar’an iha akadémiku liu-liu ba ami hanesan dosente no mós hanesan estudantes.

Nia hatutan, hanesan  Dekanu Fakuldade Enjenaria sente kontente tanba persija mós ita fahe informasaun ligadu ho programa sira ne’ebé iha governu liuhusi kada Ministétriu, atu nune’e ami iha akadémika mós bele apar ho kondisaun ho programa sira ne’ebé trasa ona iha planu asaun no annual kada tinan.

"Ba estudante sira ita la bele aprende de’it iha aula maibe partesipa iha eventu sira hanesan ne’e, mós bele aumenta ita nia koinesementu, nomós sai hanesan referensia ida mai ita ida-idak nu’udar estudante, ita espera katak depois husi seminariu ida ne’e bele fó referensia ida mai ita hotu atu hadia ita nia lala’ok sira ba iha futuru",tenik Dekanu.

Diretor DNPKK, Sr. Antonio Viegas, hatutan programa ida ne’e ami tau iha universidade tanba universidade mak ema intelektual, no imi mak sei hatutan nafatin dezenvolvimentu, ho ida ne’e mak ami tau planu ba iha universidade sira, atu bele hahú aktividade prevensaun  konflitu ba komunitariu.

"Ami mós husu ita bo’ot sira atu hases a’an husi konflitu ne’e rasik iha kampus no iha fatin ne’ebé de’it, ita bo’ot sira tenki sai autor ba dame no paz no kria ba ema seluk atu nune’e bele hamutuk hanoin ida de’it lori nasaun Timor-Leste ba oin", haktuir Sr. Antonio.

Partesipa iha seminariu ne’e, Dekanu Fakuldade Enjenaria Sr. José Manuel Maniquin, Ap.,Lic.Eng.,M.Eng, ho estrutura, Diretor DNPKK, Sr. Antonio Viegas, Sekretariu Geral g7+ Dr. Helder da Costa, ho ekipa, DGPC-SEPC. Dr. NGO Belun, Ekipa Ministeriu do Interior, nomós Estudante sira.