UNPAZ-SELEBRA ANIVERSARIU BA DA XVIII

UNPAZ-SELEBRA ANIVERSARIU BA DA XVIII

Dili-Universidade da Paz (UNPAZ) hala’o serimónia selebrasaun aniversariu dias natalis UNPAZ ba da XVIII tinan akadémiku 2022, ho tema “Ho Reforma No Kualidade UNPAZ Prontu Prepara Rekursu Humanus Hodi Kontribui Ba Dezenvolvimentu Timor-Leste”,Kampus Unpaz (09/03).

Magnifiku Reitór Universidade da Paz, Dr. Adolmando Soares Amaral, Lic. Eco.,MM. hateten ohin ita hahú misa hodi agradese ba Maromak ne’ebé mai ita iha biban iha tinan 18 ne’e, ita bele produs rekursu hamanus hodi bele kontribui ba dezenvolvimentu ba povu iha rai ida ne’e, tanba ne’e mak Universidade da Paz atu selebra aniversariu hahú ho misa.

“Ita hanesan ensinu superiór, ita nafatin iha komitmentu atu produs rekursus humanu ne’ebé ho kualidade, para atu bele kontribui ba governu no estuadu hodi asegura polítika no dezenvolvimentu ba rai ida ne’e, ikus bele rejulta povu ne’e ba moris di’ak”,haktuir Reitór.

Prezidente Fundasaun Neon Metin, Eng. José M.S.da Costa, M. Foodtech, katak, susesu ne’ebé iha haree iha inisiu ita la iha osan no rai, maibe existe nafatin to’o ohin loron, iha tinan 18 nia laran ami orgullu tanba desde inisiu dezafiu barak universidade hasoru.

“Maibe servisu hamutuk ho komponente tomak, liu-liu Reitór foun katak prosesu hotu bele la’o, susesu ida mak rea-kreditasaun instituisaun ita hetan valór (B) signifika ita iha kondisõens minimu bele responde ba atividade hotu”,dehan Prezidente FNM.

Prezidente Reforsa, mensagen, ba ami interna, ami solidu katak hotu-hotu iha komitmentu akompaña prosesu tomak iha Universidade, ba públiku katak UNPAZ iha kondisõens ne’ebé di’ak no kapas para bele akumula estudante sira estuda iha fatin ne’e, husi buat ne’ebé la iha ohin loron iha.

Aliende ne’e, Prezidente Komisaun organizadora, Dias Natalis, Sr. José Maunel Maniquin, Lic. Eng.,M.Eng. hateten UNPAZ tinan ida ne’e selebra dias natalis ba dala 18, tanba UNPAZ hari’i iha dia 09 Marsu 2004, ohin ita kompleta ba tinan 18.

Nia esklarese, Iha tinan ida ne’e ita selebra aktividade tolu, ida mak ita selebra dias natalis, ida mak programa orientasaun estudante foun, ida seluk mak, ita agradese ba maromak no entidade hotu ne’ebé iha tinan kotuk 2021, ita bele priense rekejitu akreditasaun UNPAZ ne’ebé hetan valór (B).

Prezidente Komisaun, akresenta, atividade ne’ebé ita implementa, mak konkursu dansa kultura, desportu diskursu públiku, poejia, xadres no seluk tán.

Partisipa iha atividade refere, Magnifiku Reitór Universidade da Paz, Dr. Adolmando Soares Amaral, Lic. Eco.,MM. Prezidente Fundasaun Neon Metin, Eng. José M.S.da Costa, M. Foodtech, ho Estrutura, Sekretariu Jeral G7+, Sr. Helder da Costa, ho komitiva, Vice Reitór sira, Dekanu Fakuldade 6, Xefe Departamentu sira, Diretór /a Unidade sira, Komvidadus hotu, Dosente, Funsionariu, Sivitas akadémiku tomak, estudante hotu iha UNPAZ.