UNPAZ-REMATA ONA WORKSHOP ANNUAL TINAN AKADEMIKU 2022

UNPAZ-REMATA ONA WORKSHOP ANNUAL TINAN AKADÉMIKU 2022

Dili-Universidade da Paz (UNPAZ) ohin remata ona workshop annual tinan akadémiku 2022 nian, ne’ebé hala’o durante loron tolu nian laran, iha aula Prof. Dr. Lucas da Costa (29/10).

Magnifiku Reitór Universidade da Paz, Dr. Adolmando Soares Amaral, Lic. Eco.,MM. hateten workshop annual ne’e hala’o tuir kalendariu akadémiku ne’ebé mak iha, tuir kalendariu akadémiku ne’e, regula atividade durante tinan ida tomak, tanba ne’e, loron dahulu ita haree kona-ba progresu, loron segundu inventariza dezafius sira, no loron ikus mak universidade hamutuk ho fundasaun hodi fó alternatva ka solusaun ba dezafius hotu.

“Ohin ita hamosu rezolusaun haat, primeiru re-intrega hotu funsionariu no dosente sira ba ona, responsabilidade Funadasaun Neon Metin nian, rezolusaun segundu mak halo promosaun salarial ba funsionariu no dosente sira ne’ebé partisipa iha workshop annual, rezolusaun terseiru mak, re-azusta fila fali estatuta Universidade da Paz ho Fundasaun Neon Metin, kona-ba mandatu Reitór nian ba iha tinan lima, rezolusaun dahaat mak asina akordu ba ema tolu nulu resin ualu (38) ne’ebé kontinua estudu no aumenta tán ema sanulu resin rua (12) ba ema lima nulu (50) ba halsa estudu mestradu no doutoramentu”,dehan Reitór UNPAZ.

Nia reforsa, UNPAZ ita hotu mai ho fuan atu kontribui nafatin no asegura obra ne’ebé mak saudozu husik hela, no ba futuru planu ne’ebé mak fundasaun aprezenta, ita apoiu polítika fundasaun nian, para ita bele to’o iha faze ida ne’e.

Partisipa iha workshop annual ba tinan akadémiku 2022, Magnifiku Reitór Universidade da Paz, Dr. Adolmando Soares Amaral, Lic. Eco.,MM. Prezidente Konsellu Administrasaun (FNM), Ir. Jose Menezes. ho estrutura, nomós estrutura Universidade ne’ebé kompostu husi Vise Reitór, Dekanu Fakuldade 6, Xefe Departamentu sira, Pro-Reitor sira, Diretór/a Unidade sira, Dosente, inklui Funsionariu hotu iha Universidade da Paz.