![UNPAZ-REJISTU ESTUDANTE FOUN 3.222](https://unpaz.tl/asset/foto_berita/277437949_699102808208341_4301189302176754642_n.jpg)
UNPAZ-REJISTU ESTUDANTE FOUN 3.222
Dili-Universidade da Paz (UNPAZ) liuhusi Unidade UA-AAE ne’ebé responsabilidade bá rejistrasaun estudante foun tinan akadémiku 2022, total estudante hamutuk husi etapa primeiru to’o agora, estudante rihun tolu, atus rua, rua nulu resin rua (3.222) ne’ebé rejistu ona iha Kampuz UNPAZ (26/03).
Diretór UA-AAE, Sr. Almerindo Bianco Sequeira, Lic.Tec.,M.Eng. hateten rejistrasaun Universidade da Paz, hahú husi etapa primeiru to’o etapa daualu agora, hamutuk estudante foun (3.222) kompostu husi Fakuldade (6) ho nia Departamentu (20) ne’ebé existe iha UNPAZ.
Nia hatutan, husi numeru estudante foun (3.222), Fakuldade Ekonomia total estudante rejistu ba iha Departamentu 4, hamutuk Estudante (605), Fakuldade Direitu (451), Fakuldade Siénsia Sosiais Humaniora nia Departamentu 4, total estudante foun ne’ebé rejistu (576), Fakuldade Saúde Públika nia Departamentu 6, total estudante foun ne’ebé rejistu (1.026), Fakuldade Enjeñaria nia Departamentu 3, estudante foun ne’ebé rejistu (474), Fakuldade Teknologia Agrikola ho nia Departamentu 2, estudante foun ne’ebé rejistu (90).
“Rejistrasaun ba estudante foun iha UNPAZ nafatin simu, bazeia ba rekursu ne’ebé prepara, maibe liuliu ba Departamentu sira ne’ebé mak sei presija, hanesan Departamentu enjeñaria Industria no Arkitetura, Departamentu Jestaun Alimentar no Empreendedorismu, Departamentu Politika Dezenvolvimentu no Estudu da Paz, iha Departamentu hirak ne’e mak nafatin simu estudante foun, maibe Departamentu sira seluk ne’e tuir ona tarjeitu ne’ebé mak iha”,haktuir Nia.