![UNPAZ-REALIZA TOMADA DE POSE SENADU ESTUDANTIL UNIVERSIDADE](https://unpaz.tl/asset/foto_berita/134.jpg)
UNPAZ-REALIZA TOMADA DE POSE SENADU ESTUDANTIL UNIVERSIDADE
Dili-Universidade da Paz (UNPAZ) hala’o serimonia tomada de pose ba esturutura senadu estudantil foun tinan akadémiku 2022-2023, hodi kontinua atividade ne’ebé mak durante senadu sesante estrutura hala’o, iha Salaun Jose Kasimiru UNPAZ (19/11).
Magnifiku Reitor Universidade da Paz, Dr. Adolmando Soares Amaral, Lic.Eco.,MM. hateten ohin ita realiza atividade rua, hanesan tomada de pose ba senadu estudantil foun no tomada de pose ba estrutura UNPAZ kona-ba União Nsional Dos Escuteirus de Timor-Leste (UNE-TL) Agrupamentu iha UNPAZ.
“Parabens ba senadu sesante ho estrutura no bemvindu ba senadu eleitu ho strutura, tanba ne’e, Senadu sesante, imi nia kontribuisaun ba iha Universidade da Paz, ho atividade estra kurikuler nomós atividade inovativu no kreativu sira,”,dehan Reitór UNPAZ.
Vice Reitor Asuntu Estudantil no Antigus Alunus, Sra. Marilia Juvi Gonsalves, Lic SP.,M. Kes, agradese no obrigadu wi’in ba senadu sesante ne’ebé durante fulan sia nia laran hamutuk ho ha’u, hodi hala’o atividade lubuk ida, tanba ne’e ita lasura sira nia kolen, maibe ita fó agradese no apresia ba sira nia kontribuisaun tomak ne’ebé durante ne’e hamutuk ho ita.
Nia hatutan, Servisu balu ne’ebé konsege hala’o no balu la konsege hala’o, tanba ne’e apoveita oportunidade ida ne’e, senadu eleitu, atividade ne’ebé sira seidauk hala’o to’o rohan, atu bele kontinua hala’o fila fali.
Assume ona kargu hanesan senadu estudante, la’os atu dehan ha’u mak bo’ot, tanba ne’e, lisensa ba Magnifiku Reitór ba liafuan ne’ebé bai-bain sempre ko’alia, pozisaun lao’os oportunidade, maibe pozisaun responsabilidade, tenik Nia.
“Kna’ar senadu estudante nian mak ne’e, tenki sai hanesan daun reloju ne’ebé halai, maske ema la duni, lalika hein ema duni mak halai, la presiza ema duni mak halai, maibe ha’u tenki halai para atinji ha’u nia objetivu”,katak Vice Reitor Asuntu Estudantil no Antigus Alunus, Sra. Marilia.
Aleinde ne’e, Senadu sesante, Bernardino Ximenes, salienta kotribuisaun durante tinan ida nia laran atividade lubuk ida mak ita hala’o no servisu hamutuk ho vise reitor asuntu estudantil, tanba ne’e ohin la’os loron ikus, ha’u atu husik universidade, maibe ikus ona ba ha’u, atu husik ona pozisaun hanesan senadu estudantil universidade.
“Senadu eleitu ba oportunidade no pozisaun ne’ebé agora ita bo’ot sira assume, haree mós hanesan responsabilidade, tanba ne’e, nafatin sai servidor ba iha estudante nomós universidade”,katak Senadu sesante, Bernardino.
Iha sorin seluk, Senadu eleitu, Efren Mariz Pinto, agradese ba senadu sesante ho vise reitor asuntu estudantil ba kontribuisaun hotu, hahú husi inisiu to’o mai ohin loron, ne’ebé mak ita labele sura, tanba ne’e ami senadu eleitu nia komfiansa no esperansa iha maluk sira hotu.
“Kna’ar ne’e ami na’in hira assume, hanesan responsabilidade, tanba ne’e ami prontu servi universidade nomós maluk sira hotu”,Senadu eleitu, Efren.
Entretantu partisipa iha atividade ne’e, estrutura Senadu Universidade, ho Prezidente UNE-TL Munisipiu Dili, ho Estrutura, inklui sivitas akadémiku Universidade da Paz.