UNPAZ-REALIZA SEMINARIU NASIONAL

UNPAZ-REALIZA SEMINÁRIU NASIONAL

Dili-Universidade da Paz (UNPAZ) realiza semináriu nasional, ne’ebé hetan orador prinsipal husi, Premiado Nobel da Paz, Nu’udar Mós Kandidatu Prezidente da Republika, Dr. Jose Ramos Horta, hodi Sai orador ba seminariu ho tema “Dezafius No Oportunidade Ba Timor-Leste Iha Tinan 2022-2027, iha Salun José Kasimiru (30/03).

Magnifiku Reitór Universidade da Paz, Dr. Adolmando Soares Amaral, Lic. Eco.,MM. hateten, lori sivitas Akadémiku Universidade da Paz nia naran ami hakrak hato’o, agradese ba eselensia Dr. Jose Ramos Horta, ne’ebé imveste tempu no enerjia hodi hamutuk ho ita, hodi fahe ninia hanoin ruma ba ita tuir tema ne’ebé iha, Dezafius No Oportunidade Ba Timor-Leste Iha Tinan 2022-2027.

Nia hatutan, wainhira kuandu Universidade da Paz hanoin atu halo semináriu ida ne’e, opiniaun mai husi públiku oi-oin, atu hatete de’it ba akadémiku iha universidade tomak, ami la halo politika, maibe iha fatin ida ne’e hanesan laboratorium ida, para komunidade akadémiku tomak atu ko’alia politika, halo politika mak ita la halo iha ne’e, maibe atu ko’alia politika fatin lolo’os para ita atu ko’alia mak fatin sira hanesan ne’e.

Ne’ebe ita lalika prekupa ho prekupasaun sira ne’ebé mak ema tuda hela ba ita iha média sosiais, preokupasaun sira ne’e, atu motiva ita di’ak liu tan, tamba ita tenki halo di’ak atividade sira hanesan ne’e, atu loke ema hotu-hotu iha rai ida ne’e nia hanoin, atu ko’alia politika ne’ebé lo’os fatin lo’os mak tenki iha Unversidade, tanba ne’e komunidade tomak iha UNPAZ ita la iha interese atu halo politika, maibe ita nia interese prinsipal mak atu ko’alia politika, tenik.

“Tamba ne’e mak komunidade akadémiku tomak Universidade da Paz, ita haree perspetiva pojitivu de’it, ita laiha interese atu halo politika iha ne’e, ita nia intrese mak ita tenki ko’alia politika no husi ita koalia politika ne’e, ita bele loke hanoin ita nia joven no povu sira iha ne’e atu komprende lolo’os penomena ba politika ne’ebé oras ne’e la’o hela iha ita nia rai, tamba ida ne’e mak ita nia semenariu ohin loron ne’e ita tenki halo duni iha ne’e, la’os tamba situasaun maibe momentu ne’ebé lo’os iha fatin ne’ebé lo’os, ida ne’e mak lo’os ita atu ko’alika ba públiku”,haktuir Reitór.

Reitór reforsa, husu ba sivitas akadémiku UNPAZ, prejensa Dr. Ramos Horta, mai iha fatin ne’e, la’os atu halo politika, maibe atu ko’alia kona-bá dezafius saida mak ita hasoru depois de mandatu prezidente ida ne’e hotu, ita hotu iha universidade no ema akadémiku sira, ita tenki nakloke ita nia hanoin hodi rona informasaun sira ne’e, para ita bele fahe tutan, prejensa Dr. Ramos Horta, mai iha fatin ne’e hanesan ema akadémiku ida no hanesan ema ne’ebé kapasidade intelektual no kapasidade manejerial ne’ebé bo’ot, koñesimentu di’ak kona-bá politika interna no externa, tanba ida ne’e mak nia mai fahe ba ita iha UNPAZ.

Premiado Nobel da Paz, Dr. Jose Ramos Horta, Agradese ba UNPAZ ha’u bele mai iha fatin ida ne’e, hodi ko’alia bá dosente no estudante sira iha Universidade da Paz, ha’u mai iha fatin ne’e dalabarak ona, ha’u akompaña hanesan kresimentu universidade ida ne’e, parabens ba fundadór nomós Fundasaun Neon Metin, hodi hari’i instituisaun ida ne’ebé importante tebes ba prosessu.

Nia harutan, Tema ne’ebé oferese ba ha’u ko’alia, Dezafius No Oportunidade Ba Timor-Leste Iha Tinan 2022-2027, ida ne’e sei ba oin tán to’o 2030-2040, periodu ne’ebé prezidensia mai foun, governu foun no parlamentu foun, dezafius ne’ebé prioridade, mak tenki hadia tiha, ita nia instituisaun demokratika nomós interpretasaun konstituisaun, liu-liu ba poderes ne’ebé iha prezidente, governu no parlamentu nia liman ba iha integridade sistema judisial.

“Dezafius hotu-hotu ne’ebé ita hasoru, ita presija iha kapasidade atu bele trasforma dezafius ne’e sai oprtunidade, joven tenki estuda, `estuda no estuda”,tenik Dr Jose Ramos Horta.

Partisipa iha Seminariu Nasional ne’e, Magnifiku Reitór Universidade da Paz, Dr. Adolmando Soares Amaral, Lic. Eco.,MM. Premiado Nobel da Paz, Dr. Jose Ramos Horta, Estrutura Fundasaun Neon Metin, Vise Reitór, Dekanu Fakuldade 6, Xefe Departamentu sira, Diretór/a Unidade sira, Dosente, Funsionariu, Estudante, Sivitas Akadémkiu sira hotu.