UNPAZ-REALIZA GRAUASAUN BA FINALISTA NAIN 600 BA FAKULDADE 3 NO MESTRADU

#UNPAZ# 27 DEZEMBRU 2021
UNPAZ-REALIZA GRAUASAUN BA FINALISTA NA’IN 600 BA FAKULDADE 3 NO MESTRADU

Dili-Universidade da Paz (UNPAZ) hala’o Serimónia Graduasaun ba Lisesiatura ba da XV ba Fakuldade tolu (3) Saúde Públika Direitu Siénsia Sosiais Humana nomós Mestradu ba da V ho total Finalista na’in Atus Neen (600) tema ba Serimónia refere ”Lisensiadu/a UNPAZ Prontu Atu Halo Inovasaun no Sira Nia Kreatividade Iha Tempu Pandemia”,tinan akadémiku 2021, Iha Salaun José Kasimiru (27/12).

Magnifiku Reitór Universidade da Paz, Dr. Adolmando Soares Amaral, Lic.Eco.,MM. hateten ba finalista sira ohin ita bo’ot sira graduasaun ha’u fiar katak, ita bo’ot sira sei hetan pozisaun ruma, maibe ita bo’ot sira hateke ba pozisaun sira ne’ebé hetan, tenki ba ho responsabilidade labele haree pozisaun hanesan oportunidade.

”Ita bo’ot na’in hira ne’ebé balu hetasn ona oprtunidade karik ,halo favor muda ita bo’ot sira nia pensamentu no hahalok tomak, ha’u lao’os atu ba ukun maibe ha’u atu ba servi, Ita bo’ot sira tenki matenek no sai badaen ne’ebé di’ak, importante liu mak ita bo’ot sira nia atitude sosiedade tenki simu, ha’u fiar ita bo’ot sira tau buat tolu ne’e iha hanoin, organiza a’an ba, sai atan ba, sai servidor ba ita nia povu ida ne’e, la’os atu ba ukun, maibe atu ba servi”,dehan Reitór.

Nia hatutan, agradese ba Seguransa, Jardineru, Funsionariu sira iha Unidade, Departamentu no Fakuldade sira, to’o iha Universidade nomós ba estudante sira iha semester 2,4,6,8, no ita bo’ot sira ne’ebé tur iha ne’e, ba Xefe Departamentu sira Dekanu no Vice Dekanu, Pro Reitor, ita hotu nia mahon mak Fundasaun Neon Metin nia okos, ho ita bo’ot hotu nia kontribuisaun ohin loron ita bele organiza serimónia solene ba graduasaun.

Graduadu/a sira hotu ita nia hanoin ida de’it katak, ita hotu-hotu iha responsabilidade moral ba povu ida ne’e nia moris di’ak no responsabilidade moral atu kontribui ba dezenvolvimentu ba rai ida ne’e, ba inan aman, ita nia oan sira nunka husu atu moris mai iha mundu ida ne’e, maibe ita inan aman mak forma familia hodi tur hamutuk, ita tenki iha oan, tanba ne’e oan sira nunka tusan ba inan aman, inan aman mak iha tusan ba oan sira, tanba ne’e ita inan aman sira tenki iha responsabilidade moral, prepara kondisoen minimas ba oan sira para lori sira ba futuru ida di’ak, Salienta Nia.

Reprezentante Inan Aman ba Graduadu/a Sr. Gustavo da Cruz, Lec.,MM. ami hanesan inan aman deposita ami nia oan sira, hodi tau komfiansa ba iha Universidade ida ne’e, nu’udar Universidade ne’ebé ami fiar katak, bele lori ami nia oan sira ba futuru no dezenvolvimentu nasaun Timor-Leste.

”Ami inan aman, ami sente kartak, ami nia susar ami nia terus ami orasaun ne’ebé ami hasa’e durante tinan 4/5 la saugati, iha momentu ohin ami nia oan sira bele atinji sira nia mehi, ami fiar katak, UNPAZ sei hamrik metin nafatin hodi tau aposta ba kualidade de ensinu ne’ebé di’ak ba nasaun”,Sr. Gustavo.

Reprezentante Graduadu/a, Sra. Julia Fatima Rebelo, agradese no sentimentu haksolok hodi espresa ami nia prosesu luta durante tinan barak nia laran, ohin ami bele to’o iha faze ida ne’e, ami haksolok no orgullu tebes, tanba loron ida ne’e sai momentu historiku ba ami ida-idak iha vida akadémiku.

Agradese ba inan aman sira no familia sira ba domin no sakrifisiu ne’ebé oferse mai ami, ohin ami bele sai Lisensiadu/a no Mestradu no sai ema ne’ebé útil ba povu no nasaun, agradese mós ba ami nia manorin na’in sira iha UNPAZ, ne’ebé orienta ona ami forma ona ami durante tinan barak, ho sira nia matenek liuhusi siénsia no abilidade ne’ebé iha mai ami, tenik Nia..

“Ami mós fiar hamutuk ho alumi UNPAZ, ami sei organiza a’an ho di’ak, atu labele sai de’it adeptus/penonton, maibe bele sai mós jogador/pemain iha historia jerasaun foun, hanesan jerasaun kontinuador presija kaer liman hamutuk hodi forte no kreativu hodi jere no prejerva rekursu ne’ebé ita iha”, haktuir Sra. Julia.

Partisipa iha Serimónia Graduasaun ne’e, Magnifiku Reitór Universidade da Paz, Dr. Adolmando Soares Amaral, Lic.Eco.,MM. Prezidente Fundasaun Neon Metin, Diretór Pos Graduasaun, Prof. Dr. Paustino Cardoso, Pro Reitor, Dekanu, Diretór/a Unidade sia, Dosente, Funsionariu, Komvidadus hotu, inklui Estudante sira.