UNPAZ-REALIZA ELEISAUN XEFE SENADU FOUN

UNPAZ-REALIZA ELEISAUN XEFE SENADU FOUN

DILI-Universidade da Paz (UNPAZ) nia estudante Fakuldade (6) husi UNPAZ, realiza serimónia eleisaun ba xefe senadu foun Tinan Akadémiku 2022-2023, atu nune’e bele kontinua fali servisu ne’ebé mak planu hela iha fakuldade 6 nia laran, iha salaun josé Casemiro (17/10).

Vice Reitor Asuntu Estudantil no Antigus Alunus, Sra. Marilia Juvi Gonsalves, Lic SP.,M. Kes, hateten, eleisaun ba senadu Universidade da Paz, ita sempre hala’o kada tinan.

Nia hatutan, Kandidatu senadu, la’os mai atu kompete, atu manan iha eleisaun ida ne'e, maibe hatudu imi nia intelektual no hatudu responsablidade, atu eduka nomós sai ema ne’ebé mak iha responsablidade, bainhira asume kna’ar ida.

“Bainhira se de’it mak manan iha eleisaun ida ne’e, hodi sai xefe senadu Universidade da Paz nian, ida ne’e la’os oportunidade, hanesan ita nia Magnifiku Reitór, bai-bain dehan bainhira hetan pozisaun ida, labele hanoin, pozisaun ne'e, hanesan oportunidade, maibe hanoin ne'e, nu'udar responsablidade bo’ot ida”,dehan vise Reitór Estudantil.

Iha sorin seluk, Senadu Jeral UNPAZ, Bernadino Ximenes, hatutan Senadu hanesan nukleu exekutivu ida ne’ebé as hodi responsabiliza ba atividade hotu iha Univeraidade da Paz.

“Dala barak estudante sira hatene katak, proplema sira ne’ebé akontese iha Universidade da Paz, ema hatene de’it mak Senadu Estudantil Universidade, maibe sira la haree ba iha Prosedimentu Birokrasia ne’ebé maka iha, nomós ezistensia Senadu Estudantil Universidade, ita la’os la’o de’it ho servisu birokrasia nomós sistema ne’ebé iha, Maibe Existencia Senadu Universidade nian, atu defende Berdade, nomós iha hanoin ne’ebé kritiku hodi defende Estudante hotu nia Direitu, ida ne’e mak existensia Senadu Universidade nian”,tenik Senadu Jeral UNPAZ, Bernadino.

Entretantu kandidatu husi Fakuldade neen, Efren Maria Pinto husi Fak. SP, Caetano Silveira husi Fak. CSH, Alexandre da Costa husi Fak, Ekonomia, Edmilson C.L. Araujo, husi Fak. Enjenaria, Anjelina Ximenes husi Fak. Direitu, Monalisa da Silva B.R. Freitas, Fak. Tekonologia Agrikola.

Partisipa iha serimónia eleisaun ba kandidatu senadu foun tinan akadémiku 2022-2023, Vice Reitor Asuntu Estudantil no Antigus Alunus, Sra. Marilia Juvi Gonsalves, Lic SP.,M. Kes. Senadu Jeral UNPAZ, Bernadino Ximenes, ho Xefe Senadu Fsakuldade neen, ho estrutura tomak, inklui estudante sira hotu iha Universidade da Paz.