UNPAZ-REALIZA DEBATE ENTRE FAKULDADE BA REFORMA NO KUALIDADE IHA SEKTOR REDUKASAUN TIMOR-LESTE

UNPAZ-REALIZA DEBATE ENTRE FAKULDADE BA REFORMA NO KUALIDADE IHA SEKTOR REDUKASAUN TIMOR-LESTE

Dili-Universidade da Paz (UNPAZ) liuhusi Senadu Estudantil Universidade realiza debate entre Fakuldade Saúde Públika ho Fakuldade Siénsia Sosiais Humana, hodi haklean estudante ida-dak nia koñesimetu nomós kontribui ba kualidade edukasaun iha Timor-Leste, iha Salaun José Kasimiru (12/05).

Magnifiku Reitór Universidade da Paz, Dr. Adolmando Soares Amaral, Lic. Eco.,MM. hateten, imi lubuk bo’ot ida iha ne’e katak, fatin ida ne’e atu mai aprende no hasa’e ita nia koñesimentu no kapasidade, para halo interpretasaun ba siénsia sira no buka atu adapta a’an ho teknologia ne’ebé abansadu iha mundu.

Nia hatutan, tanba ne’e ita labele sai vitiva ba teknologia, depois de ita aprende, ita familiar ho teknologia utiliza teknologia atu kontribui ba buat ne’ebé positivu, labele kontribui ba buat ne’ebé negativu, no la konstroi ba estabilidade ita nia nasaun nian.

Debate ne’ebé ohin imi estudante sira atu halo, koko atu haree buat sira ne’e enjeral, hodi elabora ita bo’ot sira nia hanoin no pensamentu atu hamosu konkluzaun no rekomendasaun ne’ebé di’ak ba konseitu ne’ebé ita bo’ot sira foti hanesan konseitu save, para depois ita bo’ot sira elabora iha debate ba dader ida ne’e, tenik Reitór.

“Kadi ba ita bo’ot sira nia kakutak, no kadi ba ita bo’ot sira nia ideia ne’ebé iha, hariku tán ba ita bo’ot sira nia ideia ba konseitu prinsipal sira no habelar ka haluan tán ideias, para fó alternativa no halo konkluzaun ka rekomendasaun ba konseitu sira ne’ebé mak ita bo’ot sira foti, sai konseitu prinsipal ba debate iha dader ida ne’e”,dehan Reitór UNPAZ.

Ha’u enkoraja ita bo’ot sira tenki sai estudante ne’ebé kritiku, sai estudante ida ne’ebé matenek, matenek iha siénsia no matenek iha teknologia, no hahalok ema tenki simu, wain hira sosiedade simu ita nia hahalok, maka sosiedade konsidera hanesan ema ne’ebé bele kontribui ba dezenvolvimentu ba rai ida ne’e, no ikus mai bele rejulta ita nia povu iha teritoriu bele moris di’ak.

Reitór reforsa, nasaun Timor-Leste atu ba oin labele ema ida rua de’it, tenki ita hotu-hotu nia hamutuk, hamutuk ho matenek no hanoin ne’ebé mak di’ak no sai badaen ne’ebé mak di’ak, atitude ne’ebé ema hotu simu, ida ne’e mak nasaun Timor-Leste presija.

Entretantu, debate ne’ebé realiza husi Senadu Estntail Universidade, loke direta husi Magnifiku Reitór Universidade da Paz, Dr. Adolmando Soares Amaral, Lic. Eco.,MM. no akompaña husi Senadu Estntail Universidade, Sr. Bernardino Ximenes, nomós painel Juri sira, inklui Estudante nomós sivitas akadémiku sira hotu iha Universidade da Paz.