![UNPAZ-PROGRAMA SAUP SEI REALIZA SEMINARIU KONA-BA PAZ NIAN IHA LORON 13](https://unpaz.tl/asset/foto_berita/272995065_670404434411512_8830624754330583967_n.jpg)
UNPAZ-PROGRAMA SAUP SEI REALIZA SEMINARIU KONA-BA PAZ NIAN IHA LORON 13
Dili-Universidade da Paz (UNPAZ) liuhusi Ekipa Program SAUP hamutuk ho Xefe Departamentu Estudu da Paz, Sra. Rosalia dos Santos de Araujo, Lic. CSH. nomós estudante sira, hodi hala’o enkontru ba preparasaun seminariu kona-ba Estudu da Paz nian, ne’ebé sei akontese iha loron 13 iha fulan ida ne’e, iha Office SAUP (08/02).
Xefe Departamentu Estudu da Paz, Sra. Rosalia dos Santos de Araujo, Lic. CSH. Hateten enkontru ida ohin ko’alia kona-ba seminariu ne’ebé sei organiza husi programa SAUP nian, maibe ida ne’e hola parte ba programa Estudu da Paz, tanba ita nia Universidade naran Universidade da Paz, oinsa ita bele promove di’ak liu tán Departamentu ida ne’e, atu hamorin di’ak liu ita nia universidade nia naran.
“Departamentu Estudu da Paz, mak lori universidade nia naran katak, Universidade da Paz, nomós Estudu da Paz, ita hari’i Departamentu ida ne’e ita iha misaun ida ne’ebé, oinsa Universidade da Paz ne’e sai hanesan embaixadór da Paz, ita haree ba iha pasadu nakonu ho komflitu barak tebes, nune’e ita loke Departamentu ida Estudu da Paz,”,tenik Sra. Rosalia.
Nia hatutan, tanba ne’e seminariu ida kona-ba Estudu da Paz ne’e hola parte ida ita halo promove estdudu da Paz, tanba ema barak sei dauk hatene kona-ba Estudu da Paz, liuhusi seminariu ba Paz ne’e, ema hotu bele hatene katak, Paz ne’e importante tebes ba ema hotu-hotu.
Partisipa iha enkontru refere, Sra. Kristina Von Stosch, ho Estrutura, Xefe Departamentu Estudu da Paz, Sra. Rosalia dos Santos de Araujo, Lic. CSH., inklui Estudante sira.