UNPAZ-PROGRAMA SAUP APREZENTA RELATÓRIU JERAL HAHÚ HUSI 2021-MAIU 2022
Dili-Universidade da Paz (UNPAZ) liuhusi responsavel Programa SAUP ne’ebé servisu hamutuk ho UNPAZ, Sra. Kristina Von Stosch, hateten, ohin ami apreszenta relatoriu kona-bá aktividade jeral programa SAUP nian hahú husi tinan 2021 to’o 2022 Maiu, inklui aprezenta mós rekomendasaun ba Departamentu Estudu da Paz, relasiona ho relatoriu ne’ebé aprejenta ona ba iha Fakuldade, iha Aula Prof. Dr. Lucas da Costa, (14/05).
Magnifiku Reitór Universidade da Paz, Dr. Adolmando Soares Amaral, Lic. Eco.,MM. akresenta, apresia tebes ho servisu, Sra. Kristina Von Stosch. ho ekipa, ne’ebé hala’o ona atividade lubuk ida durante tinan ida ho balu, SAUP nia servisu bele sai hanesan exemplu ida ba depratamentu sira ne’ebé ita atu hamosu, para atu hetan lisensa operasionais.
“Esrtrutura Universidade agradese ba Sra. Kristina Von Stosch. ho ekipa, ne’ebé servisu ona, hodi hala’o atividade lubuk ida, karik Universidade nia apoiu ba programa ne’e seidauk masimu, sei iha oportunidade bele ko’alia, para ba oin ne’e ita tenki investe hodi dezenvolve di’ak liu tán”,dehan Reitór UNPAZ.
Entretantu partisipa iha aprezentasaun relatoriu ne’e, Magnifiku Reitór Universidade da Paz, Dr. Adolmando Soares Amaral, Lic. Eco.,MM. Sra. Kristina Von Stosch. ho ekipa, Diretór Programa Mestradu, Vice Reitór, Asuntu Koperasaun Interna no Externa, Dekanu Fakuldade Saúde Públika, Dekanu Fakuldade Siénsia Sosiais Humana.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
