![UNPAZ-NIA VISE-REITOR ASUNTU KOOPERASAUN EXTERNA NO INTERNA APREZENTA NIA PAPEL SERVISU](https://unpaz.tl/asset/foto_berita/064.jpg)
UNPAZ-NIA VISE-REITOR ASUNTU KOOPERASAUN EXTERNA NO INTERNA APREZENTA NIA PAPEL SERVISU
Dili-Universidade da Paz (UNPAZ) nia vise-reitór asuntu kooperasaun externa no interna hamutuk ho nia esturura unidade IT, unidade Rádiu no unidade Protokolu, aprezenta sira nia papél servisu ba estudante foun tinan akadémiku 2023, iha Salaun José Casmiro (03/03).
Vise-reitór asuntu kooperasaun interna no externa Sr Luis P.Cardoso, Dip.Cs, Lic.CSH,MA,Mcs. hateten, unidade ne’ebé tutela iha asuntu kooperaaun externa no interna nia okos mak unidade IT, unidade Rádiu no unidade Porotokolu ne’ebé eziste hodi servisu hamutuk iha ne’ebé papél kooperasaun externa no interna iha hodi dezenvolve universidade ba instituiaun sira iha laran no rai-liur.
“Kooperasaun iha institisaun sira liu-liu ih unpaz tenki iha kooperasaun ho nia papel importante ida mak oinsa ita atu hatene servisu hamutuk ho ita-nia parseiru sira hodi dezenvolve ita-nia rekursu sira iha universidade da paz tan ne’e mak importante tebes se ita ko’alia kona-ba externa no interna signifika ita hala’o servisu hamutuk ho instituisaun akadémiku no non-akadémiku sira ne’ebé internalmente iha rai-laran no iha rai-liur. Husi buat rua ne’e nia papel iimportante mak ita atu dezenvolve ita nia universidade ba instituisaun ih laran no rai-liur nune’e ita bele dezenvolve mós ita-nia rekursu sira ne’ebé iha universidade da paz ba iha rai-liur hodi bele mai implementa fali iha universidade”, dehan vise-reitór.
Nia hatutan tan unidade rádiu Lian Ba Dame unpaz ho frekuénsia 90.6mHz mós eziste iha nia papél importante hodi divulga informasaunba iha públiku relasiona ho atividade importante sira ne’ebé mak universidade da paz iha. Nune’e iha mós unidade protókolu ne’ebé iha nia papél hodi responsabiliza ba serimómia sira ne’ebé mak realiza iha universidade.
Iha sorin seluk Diretór IT, Sr. Manuel Soares dos R. Pacheco,ST.,M.Eng. esplika ba estudante sira kona- papél unidade unidade IT nian ne’ebé iha Universidade da Paz ne’ebé atu haree liu bá instrumentu teknolójia sira ne’ebé iha hodi halo atendimentu ba estudante no divulga informasaun sira ba iha públiku.
“Funsaun importante husi unidade IT mak oinsá halo atendimentu ba estudante sira hodi divulga informasaun ba estudante sira liuhusi Videotrong, tuir mai mak Media Centre Unpaz iha ne’ebé informasaun barak ne’ebé universidade da paz iha ita fó sai liuhusi media centre, hodi públiku sira bele asessu, nune’e mós informasaun balun ita fó sai iha Youtube no Website universidade nian. Husu ba ita-bo’ot sira teknolójia ohin loron avansadu tebes, tan ne’e ita-bo’ot sira aproveita didi’ak instrumentu teknolójia sira tanba liuhusi ida ne’e mak ita-bo’ot sira bele hetan informasaun saida de’it mak iha”,dehan Diretór IT, Sr. Manuel.
Partisipa iha atividade ne’e, Vise-reitor Asuntu Kooperasaun Externa no Interna, Sr. Luis P.Cardoso, Dip.Cs, Lic.CSH,MA,Mcs. ho nia estrutura husi unidade tolu; Unidade IT, Unidade Rádiu Lian Ba Dame no Unidade Protokolu nomós Sívitas akadémika Universidade da Paz.