UNPAZ-NIA VISE REITORES SIRA APREZENTA PAPEL SERVISU

UNPAZ-NIA VISE REITORES SIRA APREZENTA PAPEL SERVISU

Dili-Universidade da Paz (UNPAZ) nia Vise Reitor Asuntu Akadémiku, Vise Reitor Asuntu Administrasaun Geral e Finansa nomós Vise Reitor Asuntu Estudantil no Antigus Alunus, aprezenta sira nia papel servisu nian ba estudante foun tinan akadémiku 2023, iha Salaun Jose Kasimeru (02/03).

Vise Reitor Asuntu Akadémiku, Sr. Joaninho Xavier Hei, Lic CSH.,M.Ed, hateten, ha’u la’os servisu mesak, maibe servisu hamutuk ho unidade sira, inklui Dekanu nomós Vse Dekanu sira, agradese ba ita bo’ot sira, ohin hola parte ona familia bo’ot Universidade da Paz.

“Ha’u nia papel mak atu asiste no apoiu reitór, hodi lídera asuntu akadémiku, hanesan área edukasaun, peskiza, servisu sosial nomós dedikasaun, funsaun seluk mak halo supervizaun no kordena ba atividade sira hanesan, planu no orienta dezenvolve Sistema edukasaun ba dosentes sira, seluk mak kordena no prepara no elabora programa estudu foun sira ba akreditasaun”,Nia Esplika.

Iha fatin hanesan, Diretor Geral, Administrasaun Finansas, Se. Leonardo B.B.Amaral,Lic.,Eco.MM. ne’ebé reprezenta Vise Reitor Adm. Finansas, esplika kona-ba papel Administrasaun finansas nian, kona-ba oinsa estudante sira selu nia dever ba propinas nian.

Sorin seluk, Vise Reitor Asuntu Estudantil no Antigus Alunus, Sra. Marilia Juvi Gonsalves, Lic.SP.M.Kes. hatutan, Orientasaun mak dalan ba estudante sira nia koñesimentu, estudante foun sira sei loke odamatan ne’e, no estuda ho didi’ak hodi haklea’an sira nia koñesimentu.

“Antes atu haklea’an koñesimentu no atu loke odamatan, hodi habelar koñesimentu dalan mak saida, dalan mak agora dadaun ita bo’ot sira tur hela orientasaun iha fatin ida ne’e”,dehan Nia.

Partisipa iha atividade ne’e, Vise Reitor Asuntu Akadémiku, Sr. Joaninho Xavier Hei, Lic CSH.,M.Ed. ho Estrutura Unidade sira. Diretor Geral, Administrasaun Finansas, ho Estrutura. Nomós Vise Reitor Asuntu Estudantil no Antigus Alunus, Sra. Marilia Juvi Gonsalves, Lic.SP.M.Kes. ho estrutura Unidade sira. Inklui Sivitas Akadémiku sira hotu iha Universidade da Paz.