UNPAZ-NIA ESTUDANTE FTA HALO ESTUDU KOMPARATIVU IHA GRUPU MADASA MUNISIPIU BOBONARU

UNPAZ-NIA ESTUDANTE FTA HALO ESTUDU KOMPARATIVU IHA GRUPU MADASA MUNISIPIU BOBONARU

Dili-Universidade da Paz (UNPAZ) nia estudante semester IV husi Fakuldade Teknologia Agrikola, Departamentu Konservasaun Naturais, hala'o estudu komparativu iha Grupu Madasa ne'ebé lokaliza iha Aldeia Helecu Suco Atabae P.A. Atabae Munisipiu Bobonaru, (10/10).

Grupu Madasa harii husi Sr. Herminio da Cruz, no aktividade ne'ebé grupu hala'o halai liu produsaun Ortikultura no seluk tan. Aktividade ba ohin loron estudante sira hala'o observasaun iha terenu no pratika direitamente ho gruou, oinsa produz EM4 no adubus oraganiku no kalan sei hala'o diskusaun hamutuk ho grupu kona-ba lalaok atividade tomak ne'ebe Grupu lala’o hela.

Objetivu husi estudu ida ne'e: 1. Hasae koñesementu estudante sira nian liuhusi teoria no pratika direitamente iha terenu, 2. Transforma estudante sira nia mehi ba duturu hodi kria rasik kampu servisu ba sira nia an rasik.

Iha aktividade refere Xefe Grupu Madasa kontenti tebes ho presenja estudante Fakuldade Teknolojia Agrikultura Depatementu Konservasaun Rekursu Naturais no futuru presija kontinua nafatin aktividade hanesan ne'e, aleinde estudante sira haksolok tebes ho aktividade Grupu nian.