UNPAZ-NIA DOSENTE IDA TERMINA ONA TITULU DOUTORAMENTU

#UNPAZ# 09 OUTUBRU 2021

UNPAZ-NIA DOSENTE IDA TERMINA ONA TITULU DOUTORAMENTU

Dili-Universidade da Paz (UNPAZ), nia Professor Costantino Godinho, A. Ma.,Lic.CSH.,M.Si. hala’o serimónia graduasaun ho titulu Doutoramentu, iha área Estudu Dezenvolvimentu, husi Universidade Kristen Satya Wacana, liuhusi Zoom, iha Aula Prof. Dr. Lucas da Costa (09/10).

Iha serimónia graduasaun ne’e, Dr. Costantino Godinho, A. Ma.,Lic.CSH.,M.Si. sente kontente tanba ha’u susesu familia mós kontente, maibe ha’u treste tanba ema ne’ebé haruka ha’u ba eskola, ha’u susesu maibe nia lakon, ema ne’e mak Prof. Dr. Lucas da Costa. ha’u susesu ne’e tuir lolo’os ha’u bele halo iha uma, maibe ha’u hanesan ninia oan, ninia alin, no nia estudante ha’u teke mai iha universidade, tanba nia mak haruka ha’u ba eskola, ha’u nia susesu ha’u oferese tomak ba iha universidade da Paz.

"Titulu ne’ebé ha’u iha, ha’u sei dedika ha’u nia a’an tomak iha Universidade da Paz, ha’u mós sei kolobora ho Magnifiku Reitór, ha’u nafatin kontribuisaun iha Universidade da Paz", tenik Dr. Costantino.

Partesipa iha serimonia gradusaun ne’e, Pro Reitór Asuntu Koperasaun Interna no Externa, Sr. Luis Pereira Cardoso, Dip.Cs.,Lic.CSH.,MA.,Mcs. Familia husi Dr. Costantino Godinho, A. Ma.,Lic.CSH.,M.Si. Korpus Dosente, inklui Funsionariu sira.