UNPAZ-KONSTRUSAUN KAMPU MULTIFUNSAUN ATINJI ONA 57%
Dili-Universidade da Paz (UNPAZ) liuhusi ekipa responsavel, Sr. Marcelino da Costa Guteres, Lic.Tec.,M.CIEd. hateten, ba grupu 4, grupu 9,10,11 no 23 hodi hala’o atividade konstrusaun ba kampu multifunsaun oras ne’e dadaun atinji ona 57 %, iha kampus UNPAZ (18/06).
Nia hatutan, estudante sira mós nafatin esforsu servisu ida ne’e, tanba ida ne’e hanesan lembransa/rekordasaun ida husi estudante finalista 2022 ba iha Universidade da Paz.
“Ami garantia katak, to’o data ne’ebé termina estajiu nia bele atinji ona 89 %, tanba estudante husi grupu 4 mak hala’o hamutuk konstrusaun ba iha kampu multifunsaun ida ne’e”,tenik Nia.
Entretantu atividade programa estajiu tinan akadémiku 2022, ne’ebé involve estudante hamutuk, rihun ida atus rua lima nulu resin rua (1252) ne’ebé koloka ba grupu rua nulu resin haat (24) hadi hala’o atividade estajiu, sira nafatin hala’o atividade tuir ida ida nia projetu ne’ebé iha.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
