UNPAZ-KOMISAUN MONITORIZASAUN KONVOKA REUNIAUN

UNPAZ-KOMISAUN MONITORIZASAUN KONVOKA REUNIAUN

Dili-Universidade da Paz (UNPAZ) liuhusi Komisaun Monitorizasaun hala’o ekontru kona-ba ezame klaran ba estudante sira tinan akadémiku 2022 nian, objetivu husi reuniaun ne’e, atu halo monitorizasaun ba dosnte nomós estudante sira durante iha prosesu ezame, iha Aula Prof. Dr. Lucas da Costa (17/10).

Pro-Reitor Asuntu Dezenvolvimentu Rekursu Humanu, Sr. Carmo Antonio Pinto Baptista,S.Sos.,M.Si. nu’udar prezidente komisaun ba ezame klaran ne’e, hateten, reuniaun ida ne’e, kontinuasaun reunaun ne’ebé hala’o iha dia 11 de Outubru 2022, ne’ebé Vise Reitór ausntu Akdémiku reprezenta Magnifiku Reitór, hodi hala’o reuniaun ho estrutura Fakuldade nomós IQA ne’ebé atu halo monitorizasaun ba iha preperasaun ezame klaran.

Nia hatutan, tanba ne’e reuniaun ida ohin, bazeia ba kalendariu akadémiku katak, ohin dia 17 Outubru hahu ona ezame klran, tanba ne’e, ohin hala’o reuniaun ida ho estrutura komisaun atu halo kontrolu ba dosente hotu-hotu, tanba hanesan dosente ita hotu iha responsabilidade moral atu hanorin material ba estudante sira.

“Iha ezame klaran ida ne’e, mak komisaun nia funsaun atu monitoriza ba dosente hotu-hotu nia responsabilidade katak, materia ida ne’e tenki ezame, tanba ne’e ba estudante sira, atu kompleta propinas 50% molok hakat ba ezame”, Pro-Reitor Asuntu Dezenvolvimentu Rekursu Humanu, Sr. Carmo.

Partisipa iha reuniaun ne’e, Vice Reitor Asuntu Akadémiku Sr. Joaninho Xavir Hei, Lic.CSH.,M.Ed. Pro-Reitor Asuntu Dezenvolvimentu Rekursu Humanu, Sr. Carmo Antonio Pinto Baptista,S.Sos.,M.Si. Vise Dekanu husi Fakuldade Neen, inklui Diretór/a Unidade sira.